Хуситтер АҚШ пен Ұлыбританияның Йеменге жасаған соққыларына қатаң жауап беретінін айтты
Көтерілісші, хуситтердің "Ансар Алла" қозғалысының саяси бюросының мүшесі Али әл-Кахум АҚШ пен Ұлыбританияның Йемен территориясына жасаған соққылары үшін әлі де өкінетінін айтты. Бұл туралы Stan.kz ақпарат агенттігі ТАСС басылымына сілтеме жасап хабарлайды.
Фото: m.smi24.net
Айтуынша, америкалықтар мен британдықтар шабуыл жасағаны үшін жауап беретін болады. Сонымен бірге ол Қызыл теңіздегі әскери операциялардың жалғасатынын айтты.
Өз кезегінде қозғалыстың саяси бюросының тағы бір мүшесі Хузам әл-Асад өзінің X әлеуметтік желісіндегі (бұрынғы Twitter) парақшасында Вашингтон мен Лондонның Йемендегі операциясына жойқын соққымен жауап беруге уәде берді. Ол болашақта әскери қимылдардың бағыты мен шайқас ережелерін хуситтер анықтайтынын айтты.
Еске салайық, 2023 жылдың 1 қарашасында Йемендегі "Ансар Алла" хуситтер тобының өкілі Яхья Сариа Израильге ресми түрде соғыс жариялап, Палестина халқын қолдауға бағытталған әскери операцияның басталғанын мәлімдеген. 10 желтоқсанда Израиль билігі егер халықаралық қауымдастық хуситтердің теңіз кемелерін басып алуына ешқандай қарсылық көрсетпесе, олар Йемендік хуситтерге қарсы күресуге дайын екенін жеткізген.
Сондай-ақ бүгін АҚШ пен Ұлыбритания Йемендегі хуситтерге қарсы әскери операция бастағанын жазған едік. Америка дауысы мен РИА Новости таратқан ақпаратына сүйенсек, ираншыл топқа қарсы зымырандық соққылар ұшақтардан, жер үсті кемелерінен және суасты қайықтарынан, соның ішінде "Томагавк" қанатты зымырандарымен жасалып жатқаны айтылады.