СІМ Грузиядағы қазақстандық қыздың өлімі туралы: 9-қабаттан құлаған
Қазақстанның сыртқы істер министрлігі Грузияда жұмбақ жағдайда көз жұмған қазақстандық бойжеткенге қатысты ресми мәлімет берді, деп хабарлайды Stan.kz ақпарат агенттігі.
"Грузияның құқық қорғау органдары біздің елшілікке берген ақпаратқа сәйкес, биылғы 5 мамырда Тбилиси қаласындағы бір үйдің терезелерінің астынан Қазақстан азаматының денесі табылған. Алдын ала мәлімет бойынша, аталған қыз 9-қабаттан құлап мерт болған", - деп мәлімдеді Сыртқы істер министрлігі.
Грузия полициясы өзін өзі өлтіру халіне жеткізу деген күдікпен қылмыстық іс қозғады. Полиция күдіктіні қамауға алды. Басқа ақпарат тергеу мүддесі үшін жарияланбайды.
Павлодарда коронавирустан көз жұмған медбикенің күйеуі марқұмның әріптестерін жазалауды сұрады
"Грузиядағы Қазақстан елшілігінің консулы марқұмның отбасымен үнемі байланыста. Бұл іс елшіліктің ерекше бақылауына алынды. Қазақстанның сыртқы істер министрлігі ел азаматының денесін Отанына жеткізуге жан-жақты көмек көрсетіп жатыр", - делінген хабарламада.
Еске сала кетейік, бұған дейін қазақстандық бойжеткеннің Грузияда белгісіз жағдайда көз жұмғанын хабарлаған.