Грузия премьер-министрі Ираклий Кобахидзе Еуроодаққа кіру келіссөздерін 2028 жылға дейін шегеруге шешім қабылдағаннан кейін тағы бір ауқымды акция басталды.

Тбилисиде шерушілер "Грузин арманы" партиясының кеңсесі маңында және Руставели даңғылындағы парламент ғимаратының алдына жиналды. Акцияға мыңдаған адам қатысты. Кешке қарай полиция мен ОМОН шерушілерді тарату үшін көзден жас ағызатын газ бен су атқыштарын қолданып, шерушілерді ұстай бастады.

Грузияның ішкі істер министрлігі "парламент ғимаратындағы шеру заңмен белгіленген нормалардан асып кетті" деп мәлімдеді.

"Шараға қатысушылар құқық қорғау органдары қызметкерлеріне балағат сөздер айтты. Оларға түрлі зат лақтырып, салдарынан ішкі істер министрлігінің үш қызметкері зардап шекті. Олардың екеуі медицина мекемесіне жеткізілді. Жағдайды бақылау үшін полиция заңда белгіленген шараларды қолданып, арнайы техниканы пайдаланды", – делінген полиция хабарламасында.

Тбилиси орталығындағы журналистер қауіпсіздік күштерінің әрекетінен зардап шекті. Publica басылымы, "Пирвели" телекомпаниясы, "Азаттық" радиосының грузин қызметі (Ресейде "шетел агенті" деп жарияланған) және ресейлік РИА Новости агенттігі журналистері зардап шекті.

Грузия президенті Саломе Зурабишвили грузин БАҚ-тарына кедергі келмеуі керек деп мәлімдеді.

Премьер-министр биліктегі "Грузин арманы" партиясының ЕО-мен келіссөздерді кейінге қалдыру туралы мәлімдемесін депутаттар елдің жаңартылған үкіметін мақұлдағаннан кейін оқып берді. Оппозиция жаңа парламенттің заңдылығын мойындамайды.

Грузия премьер-министрі Ираклий Кобахидзе "кейбір еуропалық саясаткерлер мен бюрократтарды" Грузиядағы парламент сайлауына араласты деп айыптады. Ол 2028 жылдың соңына дейін Еуропалық Одақ тарапынан кез келген бюджеттік гранттардан бас тартылатынын айтты.

Оның айтуынша, 2028 жылдың соңында Грузия 2030 жылы ЕО-ға кіру бойынша келіссөздерді бастауға экономикалық тұрғыдан дайын болады. Кобахидзе келіссөздер басталғаннан бастап қосылуға дейін бар болғаны бір жарым-екі жыл қажет екенін айтты.

Сөзінше, Грузиядан реформалар емес, "қадір-қасиеттен бас тартуды" талап ететін қадамдарды күтеді. Яғни үкіметтік емес ұйымдардың ашықтығы туралы заңның күшін жою, "ЛГБТ насихатына" қарсы заң, сондай-ақ Ресейге қарсы санкциялар енгізу және экс-президент Михаил Саакашвилиді босатуды меңзеді.

Грузияда сауалнамаға сәйкес, халықтың 70-80%-ы елдің ЕО-дағы болашағын қолдайды.

Ел өткен жылдың желтоқсанында ЕО-ға кандидат мәртебесін алды, бірақ шетелдік ықпалдың ашықтығы туралы заң қабылданғаннан кейін ЕО өкілдері Грузияның одаққа қосылу процесі іс жүзінде тоқтағанын мәлімдеді.

ЕОГрузия билігімен байланысын қысқартып, демократияның кері кеткеніне байланысты Тбилисиге қаржылық көмек көрсетуді тоқтатты.

Жақында өткен парламент сайлауының нәтижелерін мойындамайтын Грузия президенті Саломе Зурабишвили дипломатиялық корпус және оппозиция өкілдерімен кездесулер өткізді. Ол Тбилисидегі шерулерге де қатысты.

"Бүгінде бұл заңсыз билік өз халқына, оның өткеніне, болашағына, қоғамымыз бен еліміздің болашағына соғыс жариялады. Бұл жолда Ресейден басқа Грузия мемлекеттілігі де, оның тәуелсіздігі де, болашағы да, ештеңе жоқ", – деді президент.

Грузияның батыс серіктестерінің көпшілігі бақылаушылар жариялаған заңбұзушылықтарды тексеруге шақырып, билік партиясын сайлаудағы жеңісімен құттықтамады.

Еуропарламент Грузияда тәуелсіз сайлау әкімшілігі жағдайында және мұқият халықаралық бақылау жағдайында жаңа сайлау өткізуге шақырып, бірақ парламенттік сайлаудан кейінгі бірінші қарарды қабылдады.

Қабылданған резолюцияға сәйкес, Грузияда 26 қазанда өткен парламенттік сайлау еркін және әділ өткен жоқ және Грузиядағы демократияның кері шегінуінің тағы бір көрінісі болды.

Еуропарламент депутаттары демократияға нұқсан келтірген, сайлау стандарттарын бұзған және мемлекеттік институттарды теріс пайдаланғаны үшін кінәлі Грузия шенеуніктері мен саяси жетекшілеріне жеке санкциялар енгізуге шақырады. Мұндай адамдардың қатарында премьер-министр Ираклий Кобахидзе, парламент төрағасы Шалва Папуашвили және билеуші партияның құрметті төрағасы, миллиардер Бидзина Иванишвили бар.

Грузия Орталық сайлау комиссиясының ресми мәліметі бойынша, 26 қазандағы сайлауда биліктегі "Грузин арманы" партиясы парламенттегі 150 орынның 89-ын жеңіп алды.

Сайлау нәтижесін төрт оппозициялық күштің ешқайсысы мойындамады.

Талқылау