Футзалдан Қайрат командасы чемпиондар лигасын жеңіспен бастады
Футзалдан УЕФА Чемпиондар лигасының негізгі кезеңі аясында алғашқы матчында жеңіске жетті. Бұл туралы Stan.kz ақпарат агенттігі хабарлайды.
Фото: Қайрат ФК
УЕФА Чемпиондар лигасының негізгі кезеңі аясында алматылық "Қайрат" пен венгриялық "Халадаш" клубтары кездесті. УЕФА Чемпиондар лигасының негізгі кезеңінің 1-турында "Қайрат" клубы венгриялық "Халадашты" ойсырата ұтты. Алматыдағы Балуан Шолақ атындағы спорт сарайында өткен матчта "Қайрат" командасы жауапсыз төрт гол соғып, айқын басымдықпен жеңіске жетті.
Айта кетейік, сондай-ақ бұл топта қазақстандық "Семей" футзал клубы мен португалиялық "Спортинг" командасы кездесіп, португалиялық ұжым 6:4 есебімен жеңіске жетті. УЕФА Чемпиондар лигасының регламенті бойынша бұл төрттіктен УЕФА Чемпиондар лигасының элиталық кезеңіне үздік 3 команда өтеді.
Талқылау