Еркеш Шәкеевтің қайтыс болған ұлы туралы фильмі көрермендердің көзіне жас алғызды (фото)
Тірі болғанда 2 қыркүйек күні Сафар Шакеев 25 жасқа толар еді. Қайтыс болған ұлының туған күніне орай әкесі Алматыдағы еске алу концертінде фильм презентацясын көрсеткен еді.
“Сіздің фильміңізді көрген сәттен бастап-ақ көзіме жас келді. Рахмет сізге, Еркеш. Енді мен қызымды одан әрі жақсы көріп, барлық арманын орындауға тырысам. Сафар біздің жүрегімізде мәңгі қалады. Иманды болсын”, – деп жазады Айжан Киманова.
Фильм 12 күн ішінде түсірілген. Сафар жөнінде естеліктерімен туыстары мен достары, жетекшілері айтып береді.
“Еркеш Шәкеевтің фильмін бәріне міндетті түрде көру керек. Дәл мұндай көңіл-күйді толық көрсете алған туындыны бұрын соңды көрген емеспін. Рахмет, Еркеш бауырым”, – деп жазады продюсер Дана Орманбаева.
Еркеш Шәкеевтің айтуынша, оның үлкен ұлы ешқашан ауыртпалық салмай жақсы оқып, спортпен айналысып, жұмыс істеген екен.
4 жасынан бастап Брюс Лидің киносын көрген Сафар жаттыға бастапты. Әуелі каратэ, сосын суда жүзіу, 15 жасынан бастап бокспен айнлысыпты. Жетекшілерінің бәрі оның күресу қабілеті жақсы екенін сөз етеді.
“Соңғы жылдары ол маған нұсқау көрсетіп, қатем болса түзеп жүрді”, – дейді әкесі. Ол ұлын періште деп атайды.
“Ол мен үшін жер бетіндегі адам емес, жүректерді жылыта алатын періште. Ол өмірден кеткенде де көп адамның жандүниесін елжіретіп жіберді. Мен осындай таңғажайып адамның мүмкіндіктеріне 25 куә болғаным үшін құдайға шүкіршілік етем”, – дейді Шәкеев.
“Рахмет саған, ұлым. Сен маған жер бетінде әділ жандар барын танытқаның үшін, адамдарды жақсы көруге, кешіре білуге үйреткенің үшін, адамның қадірін білуді үйреткенің үшін алғыс айтам. Сен жер бетіндегі әділдіктің, еңбекқорлықтың, жігерліліктің белгісіндейсің. Сен әділдік үшін қалай күресу керегін көрсеттің”, – дейді Еркеш Шәкеев.
Ол өз отбасына қолдау білдіре отырып, көпшілікке алғысын білдірді.
“Әр адам біздің қайғымыздың бір тамшысындай бөлігін өзіне алды. Жандүнием тек алғысқа толы. Мешіттердің бірінде Құранды бастан-аяқ тәпсірлеп, шіркеуде ол үшін дұға тілегендер де болды”, – дейді әкесі.
Сафар 2016 жылдың 16 шілдесінде қайғылы оқиға салдарынан көз жұмды. Ол өзеннің қауіптілігін ескерместен Есентай жағалауына жақын барған. Оны соңғы рет көрген жерде үлкен жағалау бар.
Еске сала кетсек, 25 жастағы Сафар Шәкеев 16 шілдеде Алматыда жоғалып кетті. Сафар Шәкеевтің қайда екенін туралы айтылған ақпаратқа арнайы сыйақы да тағайындалған. Ал денесі 28 шілде күні, сағат 11 шамасында Есентай өзенінен табылды.
Жіберіп алмаңыздар:
Еркеш Шәкеев ұлы туралы айтып, жұртты бір-бірлерін бағалауға шақырды