Ердоғанды мазақ еткен неміс сатиригі сотталуы мүмкін
Германияның тележүргізушісі және юморист Ян Бемерманн түрік президенті Реджеп Тайип Ердоғанды өлеңмен мазақ еткені үшін сотталатын болды.
Сурет vesti.ru
Бұл туралы vesri.ru хабарлады.
Өлең 31 наурыз күні ZDF телеарнасының «Neo Magazin Royale» хабары эфирінде оқылды. Осыған байланысты енді Мйнц қаласының тележүргізушісі үш жылға бас бостандығынан айрылуы мүмкін.
Түркия билігі неміс телеарнасында айтылған қалжың өлеңді өте ауыр қабылдады. Олар мұны түрік президентінің «жеке басын қорлау» деп бағалады. Сәуірдің 1-і күні өлеңнің жазбасы ZDF желілік кітапханасының қорынан алынып тасталды. Себебі, шенеуніктер бұл туындыны «сатира өлшеміне үйлеспейді» деген қорытындыға келді.
Енді сот Ян Бемерманнға өзге мемлекеттің билік органы басшысын қорлады деген айып тағылуы мүмкін. Егер тележүргізуші айыпты деп табылса, ол үш жылға дейін түрмеде отырады
Талқылау