AAPL
137.59 $
0.17 %
TSLA
709.42 $
-0.05 %
NDAQ
143.08 $
0.7 %
GOOGL
2207.68 $
-1.35 %
FRHC
40.71 $
-0.97 %
AAPL
137.59 $
0.17 %
TSLA
709.42 $
-0.05 %
NDAQ
143.08 $
0.7 %
GOOGL
2207.68 $
-1.35 %
FRHC
40.71 $
-0.97 %
Соңғы жаңалықтар
Соңғы жаңалықтар

"Енді Голливуд фильмдерін көре алмауымыз мүмкін": Кино мамандары Ресейге салынған санкциялардың әсері туралы айтты

Батыс фильмдерін тамашалау арманға айналуы мүмкін. Себебі, америкалық киностудиялар Ресеймен жұмыс істеуден бас тартты. Ал елімізде көрсетілетін фильмдер теріскейдегі көршіміз арқылы келетін. Яғни ағылшын тіліндегі фильмдердің дубляжы Ресейде жасалатын. Енді бұл мәселені шешу отандық дыбыстаушыларға жүктелетін сыңайлы. Кино саласының мамандары картиналарды тікелей АҚШ-тан алдырудан басқа амал жоқтығын айтады, деп хабарлайды Stan.kz ақпарат агенттігі КТК арнасына сілтеме жасап. 

кинотеатр

Ресейге салынған санкция салдарынан Америкалық кинолардан қағылуымыз мүмкін. Өйткені DISNEY сынды алпауыт компанияның туындыларын теріскейдегі көршіміз орыс тілінде дыбыстайтын. Сондықтан бұл мәселе отандық кино саласының мамандарының көңілін түсіріп отыр. Өйткені алдағы уақытта фильмдерді тікелей Америкадан алдыртыру тым қымбатқа түсетінін айтады. 

"Америкадан Ресей арқылы келетін киноларды өзімізге тікелей жеткізетін болсақ, қып-қызыл қаражат кетеді. Ал ол Қазақстанда көрсетілген ақшасын ақтай ала ма? Бұл – үлкен мәселе. Дистрибьютерлер шағын жұмыс үшін, қомақты қаржы төлеуге тәуекел жасай ма? Бұл да үлкен сұрақ", –  дейді Ш. Айманов атындағы "Қазақфильм" киностудиясының өндіріс бойынша вице-президентіАйдар Баталов. 

Бұдан бөлек мамандар Ресейде Америка киноларын көрсетуге тыйым салынғанымен, ол жақтағы актерларды дубляж жасату үшін жалдауға болатынын айтады. Елімізде фильмдерді дыбыстайтын студиялар да жетерлік. Бірақ мәселе тағы да қаржыға келіп тірелмек. 



"Ресей арқылы келетін Голливуд киноларынан айырылғалы тұрмыз. Елімізге шетелдік картиналарды Меломан мен Сулпак компаниялары жеткізеді. Санкция салқыны дәл бүгін-ертең сезілмесе де алдағы уақытта кесірін тигізуі ғажап емес. Ол кезде расымен Америкамен келісімшартқа отырып, тікелей алдыртқан дұрыс болар. Бірақ логистика, дубляж және жеткізілуіне қатысты мәселелердің қалай шешілетіні әзірге белгісіз", – деді кинотеатрлар желісінің коммерциялық директоры Дмитрий Кириенко.

Шетелдік кинолардың Ресейде көрсетілуіне тыйым салу теріскейдегі дубляж мамандарын да алаңдатып отыр. Олар әзірге қолда бар фильмдерді ғана дыбыстап жатқанын айтады. Ал ары қарай не болары белгісіз.  

"Әзірге штатты режимде жұмыс істеп жатырмыз. Біздегі бұған дейін алынған кинолар көрсетіле береді. Аударуды тоқтатқан жоқпыз. Прокатқа еш қатысымыз жоқ. Ол тапсырыс берушілер арасындағы келісіммен жүреді. Орыс тілді картиналар тек Ресейде ғана емес, ТМД елдері арасында сұранысқа ие. Бұл дегеніміз біздің контентіміздің жоғары екенін көрсетеді. Яғни біз шетелдік кинолардың контентін көтеріп отырмыз десек те болады", – деп түсіндірді "Пифагор" студиясының бас директоры Михаил Вулих.

Осылайша отандық кино саласының мамандары Голливуд киноларын тікелей алдырудан басқа амал жоқ екенін айтады. Егер ол мәселе оң шешімін таппаса, үнді, кәріс және еуропалық киноларды көрушілер көбейеді деп отыр. Сондай-ақ отандық туындылар да соңғы уақытта 30-40%-ға өскен.

Айта кетейік, бұған дейін Apple компаниясы мен Warner Brothers, Sony Pictures және Walt Disney кино өндірушілері Ресейге қарсы санкцияларға қосылған еді. 

Талқылау
Пікір
Қазір оқып жатыр
Қазір оқып жатыр