Фото: pixabay
Келісімнің ережелері төтенше жағдайларды жою бойынша тәуелсіз мемлекеттер достастығы мемлекеттеріне көмек тәртібін регламенттейді, сондай-ақ мамандандырылған эпидемияға қарсы бригадалар құруды көздейді және жұмыстың негізгі бағыттарын және оларды тәуелсіз мемлекеттер достастығы елдерінде пайдалану шарттарын айқындайды.

Келісімге сәйкес, мамандандырылған эпидемияға қарсы бригада жұмысының негізгі бағыттары: инфекциялық аурулардың қоздырғыштарын анықтау; қауіпті инфекциялық аурулардың эпидемиялық ошақтарын оқшаулау және жою жөніндегі эпидемияға қарсы іс-шараларды жүргізуге қатысу; сұрау салушы тарап мемлекетінің медициналық ұйымдарына консультативтік-әдістемелік және практикалық көмек көрсету.

Мамандандырылған эпидемияға қарсы бригадаларды тарту үшін:

Тәуелсіз мемлекеттер достастығына мүше бір мемлекеттің күшімен және құралдарымен жою мүмкін болмайтын төтенше жағдайлар және тек сол мемлекеттің өтініші;
аумақтарына төтенше жағдайлар әсер еткен мемлекеттермен трансшекаралық таралатын және келісілген іс-қимылдарды жүзеге асыруды талап ететін төтенше жағдайлар негіз болады.

Келісім эпидемияға қарсы бригаданы төтенше жағдай аймағына көшіру, мемлекеттік шекара арқылы басымдықпен өткізу, құралдар мен материалдар транзиті, жеке құрамның еңбегіне ақы төлеу және оларды сақтандыру, тамақ және орналасқан жерді қорғау мәселелерін реттейді.

Келісімді қабылдау қауіпті инфекциялық аурулардан немесе жаппай инфекциялық емес аурулардан (уланулардан) туындаған, аумақты санитарлық қорғау бойынша ұлттық және (немесе) халықаралық деңгейде үйлестірілген ден қою шараларын талап ететін төтенше жағдайлардың алдын алу және жою жөніндегі қажетті іс-шараларды бірлесіп өткізу бойынша келісімге қатысушы мемлекеттердің ынтымақтастығына жәрдемдеседі.

Айта кетейік, "Айбын" орденіне қазақстандық қайраткерлердің аты беріледі. Сенат бүгін заңды мақұлдады.

Талқылау