Қазақстанда сауалнамаға қатысқандарға 50 мың теңге сыйақы берілетіні туралы ақпарат тарады
Халыққа онлайн сауалнама жүргізіп, кейіннен 50 мың теңге мөлшерінде сыйақы төлейтіні туралы мессенджерлер мен әлеуметтік желілерде таратылып жатқан ақпарат шындыққа жанаспайды. Бұл туралы еңбек және халықты әлеуметтік қорғау министрлігі мәлімдеді, деп хабарлайды Stan.kz ақпарат агенттігі.
Ведомство алаяқтар мұндай хабарламаларды жеке аккаунттар мен банк шоттарына қол жеткізу үшін қолдануы мүмкін екенін ескертті.
"Ешқашан күмәнді сілтемелерге өтпеңіз және алаяқтықтың құрбаны болмау үшін жеке мәліметтеріңізді қалдырмаңыз. Азаматтардан жалған ақпаратқа назар аудармауды және ақпаратты тек ресми көздерден ғана алуды сұраймыз", - делінген министрліктің баспасөз қызметі таратқан ақпаратта.
Еңбек және халықты әлеуметтік қорғау министрлігі сондай-ақ жалған ақпаратты таратқандар заң бойынша жазаланатынын еске салды.
Талқылау
"Дүкенде дөрекілік танытып, қонақүйге кіргізбеді": Қазақстандық блогер Ресей мен Беларусьтегі сапарында болған күтпеген әсерлерін айтты
Блогердің сөзінше, Ресей мен Украина арасындағы соғысқа қарамастан жергілікті халық күнделікті күйбең тіршілігін жалғастырып жатыр
"Суды артық пайдаланса, тариф 30% қымбаттайды": Қазақстандықтар су нормасы туралы жаңа ережеге қарсы шықты
Министрліктің мәліметінше, бұған дейін әр өңірде су бағасы әртүрлі есептелген