Елордада Тәуелсіздік күніне орай LED-экрандарда мемлекеттік ту көрсетілді (видео)
Астанада Тәуелсіздік күніне орай қала экрандарында мемлекеттік тудың бейнесі пайда болды. Бұл туралы Stan.kz ақпарат агенттігі хабарлайды.
Фото: Видеодан скрин
Қала әкімдігінің хабарлауынша, елордада Тәуелсіздік күніне орай орталық көшелердің LED-экрандарында, ҚТЖ ғимараттарының медиа қасбеттерінде, ЭКСПО көрмесі мен дөңгелегінде мемлекеттік тудың бейнесі пайда болды.
Астанада 50-ден астам мерекелік іс-шаралар жоспарланып отыр. Мереке күндері елордада концерттер, көрмелер, жарыстар мен спорттық турнирлер өтеді.
Айта кетейік, бұған дейін Алматы мен Астана әкімдігі қалаларда тәуелсіздік күніне орай отшашу болмайтынын мәлімдеген еді.
Талқылау