Айта кетейік, 24 наурызда Цифрлық даму министрлігі байланыс операторларын смартфондардың IMEI кодтарын тексеріп, оларды ақ, сұр және қара тізімдерге бөлуге міндеттейді.

Қара тізімге енгізілген телефонды қалай қалпына келтіруге болады

Цифрлық даму министрлігінің өкілі Диас Төлегеновтың айтуынша, егер телефон қара тізімге енсе, жауапкершілік сатып алушыға жүктеледі.

"Сатып алмас бұрын телефонды құрылған сервисте тексерген дұрыс. Егер құрылғыны сатып алмас бұрын тексермесеңіз және ол қара тізімде болса, сатып алушы өзіне телефонды сатқан адаммен жұмыс істеуге жауапты. Мұндай жағдайларды болдырмай, қара тізімге түсіп қалмас үшін кез келген адам IMEI кодын тексеріп, құрылғының расталғанын көре алатын арнайы қызмет құрылады", – деді ол.

Сатып алынған телефондарды не істеу керек

Цифрлық даму, инновациялар және аэроғарыш өнеркәсібі министрлігі Телекоммуникациялар комитетінің Сымсыз байланыс жобаларын мониторингтеу және дамыту департаментінің басшысы Диас Төлегенов өзгерістер тек 24 наурыздан кейін импортталған құрылғыларға әсер ететінін түсіндірді.

"24 наурызға дейін сатып алынған телефондарға ештеңе болмайды. Телефонды жеке пайдалану үшін сатып алған кез келген тұлға тиісті өтініш беру арқылы оны тексеру мүмкіндігіне ие болады. Жаңа ереже азаматтардың 24 наурыздан кейін елге әкелетін телефондарына қатысты", – деді Төлегенов.

Төлегеновтың айтуынша, қазір қазақстандықтар елге айына екі құрылғы импорттай алады.

"Мұны растау мемлекеттік шекарадан өту, Ұлттық қауіпсіздік комитеті Шекара қызметі комитетінің мемлекеттік деректер базасындағы белгі болады. Бұл адамның шетелден телефонды жеке пайдалануы үшін әкелгенін растайды. Бұл оны ақ тізімге енгізуге негіз болады", – деді ол.

Қазақстанда ұялы телефондарды жаппай бұғаттау ұсынылды: Бұл кімдерге қатысты болмақ

"IMEI коды жоқ болса, байланыс та жойылады": Қазақстанда дұрыс тіркелмеген смартфондар бұғатталады

Шетелден әкелінген құрылғылардың IMEI кодтары қалай бақыланады

Төлегеновтың айтуынша, Қазақстанға әкелінетін барлық телефондар халықаралық GSMA (Мобильді байланыс қауымдастығының ғаламдық жүйесі дерекқоры) деректер базасы арқылы верификациядан өтеді.

"Шетелден әкелінген барлық телефондар құрылғының түпнұсқасы, зауытта шығарылғаны немесе ұрланған телефондардың дерекқорында бар-жоғын білу үшін осы дерекқормен салыстырылады. Бұл дерекқорға қатысты тексеру болады", – деді ол.

Құрылғыны сатып алып, SIM картасын орнатқан болсаңыз, ЖСН енгізіп, оны тіркейсіз. Егер телефоныңыз ақ тізімде болмаса оператордан ол туралы хабарлама келеді. Сондай-ақ сізге тіркелу қажет болған жағдайда құрылғыны ақ тізімге көшіру үшін арнайы сілтемеге өте аласыз.

Жаңа ережелер смартфондардың заңсыз айналымын тоқтата ма

Төлегеновтің айтуынша, бұл түзетулердің көмегімен ұялы телефондарды сату нарығы тазаруы керек.

"Сәйкесінше, сату нарығын тазарту арқылы біздің аумақта тікелей сатуға мүдделі емес ресми өндірушілерді тарта аламыз. Мүмкін Apple сияқты компаниялар біздің нарыққа келіп, телефондарын тікелей қайта сататын шығар", – деді ол.

Төлегеновтың айтуынша, жаңашылдықтар ұялы телефон ұрлығымен күресуге көмектеседі.

"Егер белгілі бір адамның телефоны ұрланса, ол ұялы байланыс операторына шағым түсіре алады. Олар бұл телефонды бұғаттайды және тексеруден өтпейді. Бұл мобильді құрылғыларды ұрлау деңгейіне әсер етуі керек деп есептейміз", – деді ол.

Ал Мемлекеттік радио жиілік қызмет өкілі Сәуле Темірхан смартфонды немесе пайдаланылған ұялы телефонды сатып алған жағдайда қиындықтарды болдырмау үшін не істеу керегін айтты.

"Қиындықтарды болдырмау үшін пайдаланылған құрылғыларды сатып алу кезінде IMEI кодын тексеру қажет. Жабдықты бұғаттау қаупін болдырмау үшін смартфонды ресми сатушылардан сатып алған дұрыс", – деді ол.

Сілтеме арқылы телефонның IMEI кодын тексеруге болады.

Еске салайық, бұған дейін Қазақстанда дұрыс тіркелмеген смартфондар бұғатталатыны туралы хабарлаған едік.

Талқылау