Елімізде несие пайызы жоғарылайды - Экономист

Теңгенің құлдырауына байланысты Қазақстан Ұлттық банкі базалық ставканы 13,5 %-ке көтерді. Бұл ел халқына қалай әсер етеді? Экономист Мақсат Халық журналист Нартай Аралбайұлына берген сұхбатында түсіндірді. 

Маманның айтуынша, енді еліміздегі банктерде несие пайызы көтеріледі, ипотека алу қиындайды. 

"Тіпті, банктер ипотекалық несие беруден бас тартуы мүмкін", – деп пікір білдірді экономист. 

• Қазақстанда теңге депозиттеріне 10 пайыз көлемінде өтемақы қосылады - Ұлттық банк

• Ұлттық банк 104 млн долларға валюталық интервенция жүргізді

Сондай-ақ несие пайызының жоғарылауы елімізде бизнес саласының дамуына кері әсер ететінін жеткізді. 

"Екіншіден, бизнес үшін өте қолайсыз болады. Өйткені бұған дейін де бизнес қымбат несиелерді көріп келді, арзан несиелерге қол жеткізе алмайды. 

Жақында президентіміз екінші деңгейлі банктерді қатты сынады. Бизнеске төмен несиелер беру керек, деді. Бірақ банктер оған ықылас танытпайды. Енді 13,5 пайызға көтерілген кезде, банктер бизнесті қаржыландыруға мүлдем ықыласты болмайды", - деді Мақсат Халық.