Елімізде қаражатты үнемдеу үшін енді жүргізуші куәлігіне чиптер қойылмайды
Фото: Gov.kz
Ішкі істер министрлігі бюджет қаражатын үнемдеу үшін енді қазақстандық жүргізушілер куәлігіне чип қойылмайтынын мәлімдеді. Бұл туралы Stan.kz ақпарат агенттігі хабарлайды.
Ішкі істер министрлігі көлік құралын тіркеу куәлігі мен жүргізуші куәлігінің формалары мен үлгілеріне қатысты ведомство басшысының бұйрығына өзгерістер енгізу туралы жоба дайындады. Құжат "Ашық НҚА" порталында жарияланды.
Жобаның мақсаты – жүргізуші куәлігі мен көлік құралын тіркеу куәлігінің бланктерінен электронды чипті алып тастау. Жоба авторларының айтуынша, чип-модульдерді енгізу мен пайдалану қосымша шығындарды талап етеді. Ал қазіргі кезде олардың функцияларын мемлекеттік деректер базасы мен ақпараттық жүйелер толық қамтамасыз етіп отыр.
Құжатта атап өтілгендей, чиптен бас тарту бюджет қаражатын үнемдеуге және құжаттарды дайындау процесін оңтайландыруға мүмкіндік береді.
Талқылау
"Екі күйеу жігіттің де есімі – Нұрсұлтан": Алматылық әпкелі-сіңлі бір күнде ұзатылып, ерекше той жасады
Сіңлім “Нұрсұлтан танысып қой, бұл Нұрсұлтан” деп таныстырды
Әлеуметтік желілерге тыйым салынуы, премьердің отставкасы: Непалда "Z ұрпақ" үкіметті не себепті құлатты
Саясаттанушы наразылықтың "Z ұрпақ төңкерісі” деп аталу себебін түсіндірді