Елена Рыбакина US Open-2025 турнирінде алғашқы матчын жеңіліспен аяқтады
Фото: КТФ
Елена Рыбакина АҚШ ашық чемпионатында алғашқы ойынында жеңілді. Бұл туралы Stan.kz ақпарат агенттігі хабарлайды.
Қазақстандық теннисші Елена Рыбакина америкалық Тайлор Фрицпен жұптасып, АҚШ ашық чемпионатында (US Open) микст санатында өнер көрсетті. Алайда олардың алғашқы ойыны сәтсіз аяқталды.
1/8 финалда Рыбакина мен Фриц италиялық жұп Сара Эррани мен Андреа Вавассориге қарсы шығып, екі сетте жеңіліп қалды — 2:4, 2:4. Осылайша қазақстандық спортшы мен оның серіктесі ширек финалға жолдама ала алмады.
Айта кетейік, биыл наурыз айында Рыбакина мен Фриц бірге өнер көрсетіп, аралас жұптық сайыстағы көрмелік "Эйзенхауэр кубогын" жеңіп алған болатын. Сол жеңістен кейін олар US Open турниріне бірге қатысуға шешім қабылдаған еді. Ал Рыбакинаның әйелдер арасындағы жеке санаттағы алғашқы қарсыласы кейін анықталады.
"Бізден 100 есе жоғары алады": Қазақстан мен шетелдік дәрігерлердің жалақысын салыстырып көрдік
Алматының ауруханасында жұмыс істейтін дәрігерлер 160-250 мың теңге алады
Қазақстанда биыл БАҚ өкілдерін марапаттауға 35,2 миллион теңге бөлінген
Ал 2021 жылы журналистерді ынталандыруға тек 14,5 миллион теңге бөлінген