Елена Рыбакина Германиядағы турнирде жарақат алып қалды

Қазақстанның бірінші, әлемнің жетінші ракеткасы Елена Рыбакина Германиядағы Штутгарт WTA 500 турнирінің ширек финалына шыға алмады деп хабарлайды Stan.kz ақпарат агенттігі. 

Әлемнің жетінші ракеткасы қазақстандық Елена Рыбакина Штутгарттағы (Германия) турнирде WTA рейтингінде 14-ші орында тұрған бразилиялық Беатрис Хаддад Майиге қарсы екінші айналымдағы кездесуінде ойыннан шығып қалды. Есеп: 1:6, 1:3.

"Қазақстан әйелдер құрамасының көшбасшысы жамбас сүйегінен жарақат алды", - деп хабарлады Қазақстан теннис федерациясының баспасөз қызметі. 

Еске сала кетейік, бұдан бұрын Елена Рыбакинаның Штутгарт турнирін жеңіспен бастағанын жазған едік.

Сондай-ақ, Қазақстанда алғаш рет теннистен әлем чемпионатының іріктеу сайыстары өтеді.