"Астана қаласының Төтенше жағдайлар министрлігінің қызметкерлерімен бірлесе отырып, пәтерлердегі радиаторларды ауыстыру, кіреберіс пен тұрғын үй-жайларды тазарту, қатып қалған құбырларды ауыстыру, жертөлелерді жылыту, кәріз және кәріз құбырларын жөндеу жұмыстары жүреді", - делінген компанияның мәлімдемесінде.

"Екібастұзтеплоэнерго" ЖШС да Төтенше жағдайлар министрлігінің астаналық қызметкерлеріне алғысын білдіріп, радиаторларды ауыстыру мәселесі бойынша хабарласу телефон нөмірлерін ұсынды:

28-09-28;

28-20-28;

+7 700 299 78 06;

+7 778 742 19 21.

Еске салайық, 4 желтоқсанда әлеуметтік желіде Екібастұз тұрғынының үйлерге жылу берілгеннен кейін қысым өзгерісінен батареялардың жарылып жатқаны туралы видео тараған.

Еске салайық, 27 қарашаға қараған түні Павлодар облысындағы Екібастұз қаласы 30 градустық аязда жылу электр орталығындағы қазандықтардың тоқтап қалуына байланысты жылусыз қалған болатын. 28 қарашада Екібастұзда төтенше жағдай режимі енгізілді. Дәл осы күні Қазақстан президенті Қасым-Жомарт Тоқаев проблемалық энергетикалық активтерді мемлекет меншігіне қайтару мәселесін қарастыруды тапсырған.

Кейіннен жылу электр орталығындағы апатқа қатысты тергеу басталғаны белгілі болды. Апатты жою үшін Астана мен тағы үш қаладан мамандарды жіберу туралы шешім қабылданды. Премьер-министр Әлихан Смайылов осы апатқа байланысты Қазақстан өңірлеріндегі энергетика нысандарына толық техникалық аудит жүргізуді тапсырды.

Екібастұзда зейнеткер өз пәтерінде көз жұмды

“Кінәлілер жылуы жоқ түрмеде жазасын өтейді деп сенемін": Димаш Құдайберген Екібастұздағы жағдайға қатысты пікір білдірді

"Екібастұз – жемқорлықтың нәтижесі": Алматыда белсенділер Екібастұз қаласын қолдау үшін акция өткізді

30 қарашада мәжіліс депутаты Ерлан Сайыров Александр Клебановтың Екібастұз жылу-электр орталығын 1 теңгеге мемлекетке сатуға әзір екенін мәлімдеген.

“Ол нысанды мемлекет меншігіне 1 теңгеге беруге дайын екенін мәлімдеді. Біз бұлай болмайтынын айттық. Нысанды меншігіне алған кездегі тозу деңгейі мен қазіргі тозу деңгейін салыстырып, айырмашылықты төлеу керегін жеткіздік. Екіншіден, ол Екібастұз тұрғындарына моральдық өтемақы төлеуі керек", – деген ол.

Сол күні Екібастұз қаласының жылу-электр орталығында (ЖЭС)болған апат фактісі бойынша қылмыстық іс қозғалды. Тергеу барысы Павлодар облысы прокурорының жеке бақылауына алынған.

Сонымен қоса премьер-министрдің орынбасары, сауда және интеграция министрі Серік Жұманғарин Екібастұз тұрғындарына келтірілген шығындарды Орталық-Азия Электроэнергетикалық корпорациясының иелері төлейтінін айтқан.

1 желтоқсанда Роман Скляр Екібастұзда болған ірі коммуналдық апаттың алдын ала себебін атаған. Ол жылу желілерінің бұзылуына станция қызметкерлерінің қате әрекеті себеп болғанын айтқан еді.

5 желтоқсанда Павлодар облысы әкімінің уақытша міндетін атқарушы Олег Крук Екібастұзда барлық көпқабатты үйлердің жертөлесіне жылу берілгенін мәлімдеді. Дегенмен әлі 70 жеке үй жылу жүйесіне қосылған жоқ.

Талқылау