"Екі рет сөйлесіп, үйлендік": Танымал имам әйелімен қалай танысқанын айтты

Желі жұлдызына айналған имам Нұрлан Байжігітұлы Tukystan.kz сайтына берген сұхбатында әйелімен қалай танысқанын баяндап берді, деп хабарлайды Stan.kz ақпарат агенттігі.

Сұхбаттан кадр

“Жолдасыңыз туралы да білгіміз ке­­­леді. Ол кісі де дін жолында ма?” деген сұраққа имам: “Балаларымның анасын марқұм енем ар­қылы танып-білдім. Ол кісі мешіт жамаға­ты болатын. Анасына еріп, мешіттегі Құран са­ба­ғына қатысатын. Екі рет сөйлестік. Қа­зақы дәстүрмен құда түсіп, үйлендім.
Марқұм атам да, енем де жақсы адам­дар еді. Күйеу баласы болсам да, кет­­­кенше маған "Сіз" деп өтті. Мені өз бала­ла­рынан кем тұтпады, тіпті олардан бетер жақ­сы көрді десем, артық емес. Шамам кел­ген­ше, уақытым жеткенше қызметтерінде бол­дым. Үнемі дұғаларына қосып жүретін. Өмір­ден озарында атам мен енем батасын бе­ріп, ризалығын білдірді. Жұбайым – на­маздағы адам, мектепке дейінгі балалар пе­да­гогикасы мамандығын тәмамдаған. Қазір үйде балаларымның тәрбиесімен айналы­сады”, – деп жауап берді. 

Нұрлан имам тойларға сирек баратынын айтып қалды.

“Біз отыз жыл бойы өзімізді өзіміз "тойшыл халықпыз" деп көтеріп келдік. Той­шыл­дығымызды, тіпті пандемия да тоқтата ал­мады. Одан басқа, асабалардың арсыз ойын­дары мен биі, ашық-шашық көріністер ше? Ес жиғандардың адал тойын арам етіп, шәй­некпен "шәй ішетін" қазақтар әлі бар. Әке­мізден қалған ас емес, бірақ неге соған осын­ша құмар ел болдық екен? Өз басым бес жылда бір тойға баратын шығармын. Оның өзін­де таза, сенімді, күндізгі қазақы тойларға ғана. Арақ-шарабы бар тойларға мені шақыр­май­ды да, шақырса да бармайтынымды біледі”, – дейді дінтанушы.