Эфир үшін азаптап, соққыға жыққан: Францияда тікелей эфир кезінде стример мерт болды

Фото: Reuters

Францияда 46 жастағы стример Рафаэль Грейвен тікелей эфир кезінде мерт болды. Оны желі қолданушыларының көзінше екі досы азаптаған. Бұл туралы Stan.kz ақпарат агенттігі Euronews сайтына сілтеме жасап хабарлайды.

Ницца қаласының прокуратурасы 46 жастағы стример Рафаэль Грейвеннің 18 тамызда "тікелей эфир кезінде" мерт болғанын растады. Жан Порманов немесе JP лақап аттармен белгілі стример оны ұрып-соғып, қорлаған видеоларды желіде жариялау арқылы ақша тапқан.

Цифрлық технологиялар вице-министрі Клара Шаппа әлеуметтік желілерде зорлық-зомбылық видеоларының таралуын айыптады.

2024 жылдың желтоқсанында Mediapart аустралиялық Kick платформасында Жан Пормановтың қатысуымен түсірілген зорлық-зомбылық видеоларын жариялады. Жүздеген мың жазылушысы бар және қазір тыйым салынған Lokal арнасында стримердің бірнеше сағат бойы физикалық және психологиялық зорлық-зомбылыққа ұшырағанын көрсетті. Наруто және Сафин деген екі серіктесі оны тұншықтырып, ұрып-соғып, үстіне суық су құйған.

Видеодан скриншот

"Иә, бұл trash-контент болды, бірақ біз ол үшін толық жауапкершілікті өз мойнымызға алдық. Контент жеткілікті түрде бақыланып, сценарийленген, біз оны әсерлі етіп көрсетуге тырыстық. Ол көңіл көтеру мен стримингтің бір бөлігі болып қала берді. Біз мұндай нәрсе болуы мүмкін деп мүлдем ойламадық", – деді Нарутоның ағасы Гвен.

2024 жылы Mediapart Кудо лақап аты бар тағы бір адамның да соққыға жығылғанын хабарлады. Жан Порманов пен Куду осындай видеоларға қатысуға өздері келісім берген дейді. Алайда расымен келіскен бе, әлде қорқытқан ба, белгісіз. Осындай видео үшін қорлану бірнеше айға жалғасқан.

Көрермендер оларға ақша жібереді екен. 2022 жылы құрылған аустралиялық платформа бәсекелестеріне қарағанда әлдеқайда қолайлы өтемақы саясатын ұсынады. Прокурордың айтуынша, Куду "айына 2000 еуроға дейінгі соманы алған", ал "Жан Порманов 6000 еуро алды". 

Kick арнасында дүйсенбі тікелей эфирде көрсетілген видеода Жан Пормановтың көрпе астында тағы екі ер адаммен бірге төсекте қимылсыз жатқаны байқалады. Олардың бірі оның денесіне кішкентай пластик бөтелкесін лақтырған.

Видеодан скриншот

Наруто Рафаэль Грейвеннің ашуын тудырып, бетінен шапалақпен ұрған, содан кейін бірнеше минуттан кейін ол тікелей эфирдің басқа қатысушылары сияқты оны қайтадан бірнеше рет ұрған. Нарутоның адвокаты оның клиенті Жан Пормановтың өлімі үшін жауапкершілік алмайтынын және оның клиенті кибербуллингке ұшырағанын айтты. Сол үшін олар шағым түсіруге ниетті екен.

Сафиннің адвокаты мұның бәрі қойылым екенін және тараптардың келісімімен болғанын айтады. 

Ницца полициясы видеоматериалдарды тәркілеп, өлім кезінде болған адамдардан жауап алды. 

Ницца прокуратурасы "әлсіз адамдарға қарсы әдейі ұжымдық зорлық-зомбылық көрсету” және “адамның жеке басына қасақана шабуыл жасау қылмыстарын жасау туралы бейнероликтерді тарату" бойынша тергеу бастады. Наруто мен Сафин қамауға алынды, содан кейін босатылды, түсіру жабдықтары тәркіленді.