Дүнгендер Қордайдан көшіп жатыр: Жамбыл облысының әкімі жағдайды түсіндірді
Қордай өңірінде жағдай тұрақты. Бұл туралы Жамбыл облысының әкімі Бердібек Сапарбаев мәлімдеді, деп хабарлайды Stan.kz ақпарат агенттігі.
"Барлық қираған нысандар қалпына келтірілді. Биыл тек бір ғана Қордай өңіріне 35 миллиард теңге бөлінді. Нәтижесінде 4300 жаңа жұмыс орны ашылды. Қордай өңірінде көптеген мәселелер шешілді деп айта аламыз. Жолдар, ауыз су мәселелері ретке келтірілді. Мысалы, облыста газбен қамтамасыз ету 95% құрайды, ал биылғы жылдың басында ол 47% құрады", - деп жауап берді аймақ басшысы.
Әртүрлі ұлт өкілдері үшін бизнес жүргізуге еш кедергі жоқ, деп сендірді ол.
- Қордайдағы қақтығыс: 24 000-нан астам қазақстандық Қырғызстанға өтіп кеткен
- Қордай трагедиясынан соң іс-түссіз жоғалған азамат әлі табылған жоқ
"Кейбір бұқаралық ақпарат құралдары дүнгендер басқа аймаққа көшіп кетті деп жазады, өйткені олардың бизнесін жалғастыруда кедергілер бар деп түсіндіреді. Бұл ақпарат шындыққа жанаспайды. Біз зерттеу жүргізіп жатырмыз, бұл мәселе біздің бақылауымызда. Олар бұрынғыдай Қордай мен Шу облыстарында жұмыс істейді. Алматы мен Қарағанды облысында да дүнген ұлтының бірде-бір өкілі Ресейге немесе басқа елге қоныс аударған жоқ", - деді әкім.
Еске салсақ, Қордайдағы жаппай қақтығыста 11 адам көз жұмып, 170-тей азаматқа дәрігерлік көмек көрсетілген.
Астана әкімдігі сенбілікте пластик жинағандарға қағаз салфетка таратқан: Экологтар бұның үлкен қате екенін айтып, дабыл қақты
