“Бәріміз де жас болдық, өз қателіктерімізде өсіп келе жатырмыз. Бұл жерде мен ешкімді кінәраттағым келмейді. Әрине, әр адамның өз тағдыры өз қолында, не істесе де. Кезінде, продюсерлердің талабы бойынша ашық-шашық ән айтқан кездер де болды, ол тек жастық шақ шығар… (сахналық образ) Қазір жалаңаш жүргендер аз емес, әсіресе өз парақшаларына ішімдік ішіп, темекі тартып, боғауызданып отыратын жас қыздарды түсінбеймін. Қалай сонда? Ол қыз-баланың «подписчик»-терінде туыс-жаран, ата-анасы жоқ па екен?!! Әрине бар. Оның ішінде біздің де сіңілеріміз бар өкінішке орай. Бір түсінбейтінім, келешекте бұндайлар қалай үйленеді, үй болады, қандай тәрбие балаларына береді екен?! Неге десеңіз, бұл Инста, ФБ деген нәрселер жай ғана ұмытылып, жоқ болып кетпейді. Әй… Ақыр Заман деген осы шығар… Құдай сақтасын, менің балаларым көрмесінші деп тілеп отыратын болдым”, – дейді ашынған әнші.

Динараның бұлай деуіне себеп жоқ емес. Үш қыз, бір ұл тәрбиелеп отырған әнші алғаш рет атұстарын видео арқылы көрсетті. Өзгелер жалаңаш тәнін көрсетуден жасқанбағанда, балаларымды көрсетуге неге қысылуым керек, дейді Динара.

“Біздер “ойбай көз тиеді”- деп балаларымызды көрсетпеуге тырысамыз! Ол да дұрыс шығар. Ал сонда қалай болғаны? Жалаңаштарға емізетін жерлерін салуға болады, ал мынадай мотивациялық видеоны көрсетпей тығып отыру керек пе?! Керісінше, жастарды Ана болуға, бала тәрбиелеуге жетелеу керек деп ойлаймын! Сондықтан жастар, бақыт деген инстада отырып күні-түні жарнама жасау, не бар не жоқтығын көрсету емес, барлық ақшаны таба алмайсың қарағым қанша шешінсең де! Бақыт ол Еңбек ету, ұрпақ әкелу! Ата-анаңның саған деген ақталған сенімі!” – деп түсіндірді әнші.