Денсаулық сақтау министрлігі дәрі-дәрмектің неге қымбаттағанын түсіндірді
Денсаулық сақтау вице-министрі Жандос Бүркітбаев дәрілердің 770 түріне шекті баға белгіленгенін айтады. Сараптамаға сүйенсек, дәрілердің 90%-ы қымбаттамаған, деп хабарлайды Stan.kz ақпарат агенттігі.
“Денсаулық сақтау министрлігі баға өсуіне жол бермеу үшін шекті баға белгіледі. Бұл мәселе бұйрықпен реттеледі. Дәрілердің 770 түріне шекті баға белгіленген. Сараптамаға сүйенсек, 90% жағдайда дәрі-дәрмек қымбаттамаған”, – дейді Жандос Бүркітбаев
Вице-министр дәрі-дәрмектің 10%-ында ғана баға өскенін, бірақ бұл халықаралық нарықтағы жағдайға да ұқсас екенін айтты.
“Болашақта оларды жоғалтып алмау үшін біз осындай өсімге келісуіміз керек еді. Әңгіме 300-ге жуық зат шығатын мекеме жайында. Дәрілік заттардың 90%-ында қымбаттау болған жоқ. Тіпті дәрі-дәрмек 14%-ға арзандағаны да бар”, – дейді денсаулық сақтау вице-министрі.
Талқылау
"Шетелде билетсіз, қонақүйсіз далада қалдым": Қазақстандықтар авторлық тур сатып аламыз деп 2 млн теңгеге дейін қаражаттарынан қағылған
Олар 300 мың теңгеден 2 миллион теңгеге дейінгі ақшадан қағылды
"Бөлімше болыңыз, біздің команда": Алматыда косметика дүкенінің қате аудармасы жұрттың ашуын туғызды
Оқырмандардың бірі баспахананың да мұндай немқұрайлығына реніш білдірді