Науқас Диананың басы, мойны, кеудесі мен аяқ-қолдарын бірінші, екінші және үшінші дәрежеде күйік шалған. Ол Бородино ауылынан Алтайдағы ауданаралық ауруханаға жедел жәрдем көлігімен жеткізілді. Ауруханаға жеткізілген соң науқасты реаниматолог, травмотолог пен гинеколог дәрігерлер өз бақылауына алды.

Дәрігерлер науқастың жағдайын ауыр деп бағалады. Облыстық орталық мамандарының консилиумынан кейін тікұшақ жіберу туралы шешім қабылданды. Ауданға құрамында облыстың бас реаниматологы Галина Семенова, фельдшер Назым Бейсенбаева бар бригада ұшып жетті. Зардап шеккен әйел Шығыс Қазақстан облыстық мамандандырылған медицина орталығына жеткізілді.

Араға уақыт салып дәрігерлер салмағы 2,2 келі, бойы 50 см дені сау баланы туғызып алды.

“Біздің дәрігерлер – әлемдегі ең үздік мамандар. Олар қызым екеумізді аман алып қалу үшін мүмкін емес нәрселерді жасады. Алда әлі ұзақ реабилитация күтіп тұр. Бірақ ең қорқыныштысы артта қалды. Дәрігерлердің арқасында өмірімнің мәні бар және сол үшін де емімді жалғастырамын”, – деді Диана.

Ана мен баланың өмірі үшін өңірлік және республикалық дәрігерлердің мультитәртіптік бригадасы күресті. Бөлімшедегі дәрігер-реаниматолог-анестезиолог Александр Нарейко мен оның әріптестері науқастың өмірін сақтап қалу үшін бар күшін салды. Денсаулық сақтау министрлігінің мамандары да медициналық көмек көрсету үдерісін үйлестіріп отырды.

Диана интенсивті терапияға шыдап, оған теріні ауыстырып салу бойынша бірнеше ота жасалды. Жарасын ОММО травмотология бөлімшесінің меңгерушісі Рафаэль Гафуровтың жеке өзі таңды. Бала мен ананың жағдайы облыстың штаттан тыс бас гинекологы Марат Көксегеновтың тұрақты бақылауында болды.

Талқылау