20 сантиметрге дейін қар жауады: Қазгидромет демалыс күндері ауа райы қандай болатынын жариялады
Алдағы үш күнде скандинавиялық циклон біртіндеп ел аймағынан тысқары шығады. Бірақ Қазақстанның басым бөлігінде жауын-шашынды ауа-райы, боран мен екпінді жел және көктайғақ сақталады. Бұл туралы Stan.kz хабарлайды.
Фото: pixabay.com
Қазгидромет ақпаратынша, атмосфералық қысымның жоғарылауы, жауын-шашынның қысқа мерзімді тоқтауы болжанып отыр.
Еліміздің солтүстігінде түнде 20-28, күндіз 15-20 градус болады. Ал оңтүстік аймақтарда Иран жағынан келетін оңтүстік циклон әсерінен жауын-шашын, жаңбыр, желдің күшеюі, тұман және көктайғақ құбылыстары күшейеді.
Айта кетейік, Алматыда 12 ақпанда сағат 9.00-ден 21.00-ге дейін биіктігі 20 см-ге дейін қалың қар жауады деп болжанып отыр. Бұл ақпан айындағы орташа айлық жауын-шашынның шамамен 40%-ына тең. Осыған байланысты қаланың коммуналдық қызметтері дайындық жұмысын бастап кетті.
Бұған дейін Ақтөбе облысының әкімі Асхат Шахаров әлеуметтік желісінде өңірдегі боран жөнінде бейнежазба жариялағанын жазған едік.
Талқылау
