Дәрігерлер жүктілікті тоқтатпақ болған: Қазақстандық келіншек қатерге қарамастан, қалай сау бала туғанын айтып берді
Алматы тұрғыны Инабат Еспенбет қауіп-қатерге қарамастан, дені сау баланы қалай дүниеге әкелгені туралы әңгімелеп берді. Бала қазір 6 айлық. Ұлының аман болғаны үшін Инабат учаскелік гинеколог Гүлнар Мұхтаровқа алғыс білдіреді. Бұл туралы Stan.kz ақпарат агенттігі "31" арнаның "Информбюро" бағдарламасына сілтеме жасап хабарлайды
Инабат Еспенбет алты айлық баласы Асанәліге қарап көзі тоймайды. Әйел орны толмас қателік жіберуі мүмкін еді. 23-ші аптада одан су кеткен, дәрігерлер оны жүктілікті тоқтатуға жіберген. Үміт берген жалғыз адам учаскелік гинеколог Гүлнар Мұхтарова болған.
"Ол былай айтты: “Инабат, бала қозғалады! Бас тартыңыз, бірнеше күн бақылайық", - деп еске алды сол сәтті Инабат Еспенбет.
Келіншектің бірінші баласы шетінеп кеткен екен.
"Баламның тұңғышы келінімнің жатырында шетінеп кетті. Екіншісі аман-есен дүниеге келді. Үшінші рет жағдай қайталанғанда қатты қорықтық. Дәрігерге рахмет. Ол біздің немеремізді аман алып қалды", - деді Инабаттың енесі.
Ал төрт жыл ғана тәжірибесі бар дәрігер тек өз жұмысын атқарғанын айтады.
"Егер қан ағымы бұзылмаса, бала қозғалады және лейкоциттер жақсы, әрине, жүктілікті ұзартуға болады. Мен солай ойладым және ұсындым", - деді учаскелік гинеколог Гүлнар Мұхтарова.
Ғажайыппен аман қалған Асанәлі үлкен әулеттің мүшесі атанды, оны бәрі еркелетеді. Ал атасы күн сайын немересін қолына алып, оның күлкісін көруге мүмкіндік берген дәрігерге батасын береді.