Дәрігер маска таққан кездегі негізгі қателіктерді атады

Коронавирусты жұқтыруға әкелуі мүмкін маска тағудың негізгі қателіктері аталды, деп хабарлайды Stan.kz ақпарат агенттігі.

ЛОР-клиниканың басшысы, медицина ғылымдарының кандидаты Владимир Зайцевтің айтуынша, масканы иекке тағуға болмайды, ол мұрын мен ауызды жабуы керек.

Ол бір масканы ең көп дегенде бірнеше сағат тағуға ғана болатыннын да атап өтті. Алайда, кейбір адамдар бірнеше апта бойы бір бетперде тағады.

Дәрігердің айтуынша, қазіргі кезде адамдар масканы денсаулықты қорғау, коронавирустан қорғану және алдын алу үшін емес, қоғамдық көлікті пайдалану және дүкендерге бару кезінде айыппұл төлемеу үшін қолданады. Оның пікірінше, бұл тәсіл дұрыс емес.

Зайцев сондай-ақ, егер қоғамдық көлікте тұтқадан ұстап, домофон, лифт немесе банкомат түймесін басса, бетке, мұрынға немесе көзге қол тигізбеу керек екенін атап өтті. Оның айтуынша, азаматтардың тағы бір қателігі - дүкендерде, сауда орталықтарында және басқа да қоғамдық орындарда қолды тазарту құралдарын сирек қолдану. 

Дегенмен, ол әлеуметтік арақашықтықтың болмауын ең маңызды қателік деп атады.