Дамир Исмағұлов кәсіпқой бокстағы дебютті жекпе-жегі алдында салмақтан өтті
UFC тұжырымының экс-спортшысы Дамир Исмағұлов (26-3) кәсіпқой бокстағы дебютті жекпе-жегі алдында салмақтан өтті. Бұл туралы Stan.kz ақпарат агенттігі хабарлайды.
Фото: UFC
Қазақстандық аралас жекпе-жек шебері Дамир Исмағұлов (26-3) кәсіби бокстағы алғашқы кездесуі алдында салмақ өлшеу рәсімінен өтті. Отандасымыз 20 желтоқсанда Астанадағы Жақсылық Үшкемпіров атындағы жекпе-жек сарайында өтетін турнирде кәсіби бокстағы алғашқы кездесуін өткізеді. Fight Nights Global тұжырымы өткізетін бокс кешінде Дамир Исмағұлов бразилиялық нокаутшы Фелипе Майаға қарсы жекпе-жекке шығып, өзара мықтыны анықтайды. Қос спортшы да жекпе-жек алдын салмаққа түсіп, тиісті салмақты көрсетті.
Айта кетейік, Дамир соңғы жекпе-жегін Alash Pride 100 турнирінде өткізіп, бразилиялық қарсыласын ауыр нокаутқа жіберген еді.
Талқылау