Чемпиондар лигасы: "Қайрат" жеңіп, "Семей" жеңілді
Футзалдан қазақстандық қос команда Чемпиондар лигасының элиталық кезеңі аясында алғашқы матчтарын өткізді. Бұл туралы Stan.kz ақпарат агенттігі хабарлайды.
Фото: instagram/afckairat
УЕФА Чемпиондар лигасының элиталық кезеңі аясында "Қайрат" пен “Семей” футзал клубтары алғашқы матчтарын өткізді. “Қайрат” франциялық "Этуаль" командасына қарсы ойнап, 4:2 есебімен жеңіске жетсе, "Семей" футзал клубы испаниялық "Пальмадан" 1:4 есебімен жеңіліс тапты. В тобында өнер көрсететін Алматылық клуб бұл топта франциялық "Этуальдан" бөлек хорватялық "Олмиссум" және "Футзал Динамо" командаларымен шеберлік байқасады.
D тобындағы "Семей" испаниялық "Пальмадан" бөлек польшалық "Рекорд Бельско-Бяла" мен словакиялық "Мимел Лученецке" қарсы ойындар өткізеді.
Айта кетейік, әр топтың жеңімпаздары футзалдан Чемпиондар лигасының финалдық кезеңіне жолдама алады.
Талқылау