"Миым су болып жүрді": Жахан Отарғалиев әйелімен ажырасуға мәжбүр болғанын айтты
Белгілі вайнер, актер Жахан Отарғалиев бұрын жасаған қателігін қайталағысы келмейтінін айтты, деп хабарлайды Stan.kz тілшісі «The Эфир» бағдарламасына сілтеме жасап.
Соңғы бір жылда Жаханның қатысуымен екі фильм жарыққа шықты. Бүгінде жұлдызы жанып тұрған өнер иесі өмірі туралы шындықты жайып салды.
«Қайтадан сол қателікті қайталағым келмейді. Отбасында ешқашан бір адамнан қателік болмайды. Шынымды айтсам, ажырасайын деп ажырасқан адам емеспін. Айқай болып кетті де, онсыз да миың су болып жүрген кездері арамызда келіспеушілік пайда болды», - деп ажырасуының себебін түсіндірді ол.
Қазіргі таңда өзін жалғыздық алаңдататын актер әйелі екеуі бір-бірінен уақытша демаламыз деп ажырасып кеткен. Бүгінде Жахан бұрынғы қателігін қайталағысы келмейді.
«Өзімде іштей ара-қашықтықта көрейікші, демалайықшы, ақыры баламыз жоқ қой деген ой болды. Ол адамды өте қатты жақсы көрдім. Біраз уақыт өткеннен кейін күйеуге шығады, өзінің отбасы болады. Мен өз-өзіме келгенше біраз уақыт өтті», - дейді Жахан Отарғалиев.