Бурабайда демалушылар карантин кезінде жабық жағажайларды толтырды
"Бурабай" ұлттық табиғи паркінде демалыс күндері жабайы жағажайларда ине шаншыр жер болмады. Суға түсуге ресми тыйым да, жағажайлар карантинге байланысты жабылғаны туралы жазылған ресми тақтайшалар да демалушыларды тоқтата алмады, деп хабарлайды Stan.kz ақпарат агенттігі "Хабар 24" арнасына сілтеме жасап.
Сақтық шараларын ұмытқан мыңдаған демалушы жағажайда санитарлық нормаларды сақтамай жүр. Жауапты қызмет өкілдері мен полиция қызметкерлері тек қолмен оларды бір-бірінен алыстатады, рейдтер де жүргізілуде, бірақ бұл туристердің көпшілігін қорқытпайды.
Бурабайдағы жабайы жағажай бірнеше шақырымға созылады. Мыңдаған демалушы, карантин туралы ұмытып, жазғы демалысты белсенді өткізуге асық.
Полицейлер рейдтік тексерулер ұйымдастырады. Алайда, карантинді бұзушылардың көпшілігі тек ауызша ескертулермен кетеді. Шектеу шаралары енгізілгеннен бері барлығы 8 адамға айыппұл салынды.
- Қазақстанның 5 көрікті жері ресейлік National Geographic журналына енді
- Қазақстанның көрікті жерлері: Еліміздегі ең үздік 50 туризм орындары қандай
"Олардан жазбаша түсініктеме алады, жеке куәліктің көшірмесін алады, әкімшілік материалдарды құрастырады, КУИ-ге тіркейді және істі әрі қарай тауарлар мен қызметтердің сапасы мен қауіпсіздігін бақылау басқармасына жібереді. Бұл мекеменің қызметкерлері әкімшілік хаттамалар жасайды. Бұл процедура 2 сағаттан 3 сағатқа дейін созылады", - деді Бурабай ауданы әкімі аппаратының басшысы Қасымхан Мәжіков.
Санитар дәрігерлер бұл жағдайда ешнәрсе істей алмайды, олар тек бизнес субъектілерімен жұмыс істейді.
"Шамасы, адамдар маңыздылығын түсінбейді және осындай жағдай орын алды. Менің ойымша, демалушылардың мұндай ағымын реттеу және тоқтату үшін жалғыз шара - бұл ТЖ режимі сияқты, бұл блок-бекеттер. Мұндай түбегейлі шаралар - жалғыз шешім,. Демалушылардың жауапкершілігіне үміттену мағынасыз", - деп атап өтті Бурабай ауданының бас санитар дәрігері Сералы Жолдаспаев.
Желі қолданушыларын Бурабайдағы жағдай алаңдатып қойды. Жағажайдан түсірілген видео ғаламторда тарады.
"Адамдар, Бурабайда не болып жатыр, бұл жұқпаның нағыз таралатын орын ғой. Жағажайда алма құлайтын жер жоқ, қашықтық жоқ, ересектер де, балалар да кір қолмен тамақтанады. Коронавируспен қатар ішек тұмауы да қосылады. Онда толық анархия! Полициялер, әскерилер, Бурабайдың әкімі қайда? Дәрігерлерге демалыс жоқ ! Жақын арада бізді құтқаратын ешкім қалмайды. Ауруханалар толы. Адамдарда ақыл бар ма?", - деп жазды видеоны Facebook-те жариялаған автор.