Беларусьте жаппай наразылықтардан кейін қылмыстық іс қозғалды
Беларусьте полиция қызметкерлеріне қатысты тәртіпсіздіктер мен зорлық-зомбылық фактілері бойынша қылмыстық істер қозғалды. Бұл туралы тергеу комитетінің (ТК) басшысы Иван Носкевич мәлімдеді, деп хабарлайды Stan.kz ақпарат агенттігі.
"Күдіктілер мен ұсталғандардың көпшілігі мас күйінде. Бейнебақылау жазбалары алынды. Тәртіпсіздікке қатысы бар адамдар анықталды және анықтау жалғасуда. Олардың барлығының әрекеттеріне тиісті құқықтық баға беріледі", - деді ТК басшысы.
Носкевичтің айтуынша, Беларусь Қылмыстық кодексінің 293-бабының әртүрлі бөліктері бойынша қылмыстық іс қозғалды. Тәртіпсіздікке қатысушылар мен ұйымдастырушылар 15 жылға дейін бас бостандығынан айырылуы мүмкін.
10 тамызда таңертең наразылық білдірушілер тарала бастады. Минскіде және Беларусьтің басқа қалаларында жаппай наразылықтар Республика президентінің сайлауында дауыс беру аяқталғаннан кейін басталды, оның соңғы күні 9 тамызда өтті. ОСК аралық мәліметтеріне сәйкес, Беларусьтің қазіргі басшысы Александр Лукашенко 81 пайыздан астам дауыс жинады, оппозициялық кандидат Светлана Тихановская — тек 8 пайыз. Азаматтар алтыншы мерзімге сайланған және 1994 жылдан бері өзгеріссіз басқарып келе жатқан Лукашенконың жеңісіне сенбейді.
Айта кетейік, осыған дейін Александр Лукошенко ұшағы ел территориясынан ұшып кеткендігі хабарланған.