Баян Есентаева: Небәрі жарты сағаттың ішінде барлық тісімнен айырылдым
Баян Есентаева шетелде жүріп жазып жатқан кітабының үзіндісін бөлісті.
Бұл туралы Stan.kz хабарлайды.
Баян Есентаева бір кездері кітап жазып жатқанын айтқан болатын. Аталған кітапта продюсер өз өмірі туралы шындықты жайып салмақ. Бүгін Баян Мақсатқызы кітабының бір үзіндісін бөлісті.
“Мен ауруханада ояндым. Қайда жатқанымды, не үшін келгенімді, денемнің не себепті қатты ауырып жатқанын түсінбедім, яғни барлығын бірден еске түсіре алмадым. Жақын адамым жанымды ауыртқан сияқты ма? Басым ешнәрсені еске түсіргісі келмеді, бірақ жылағым келгені анық. Кенет есіме түсті – осыған ұқсас дүние менің өмірімде болды! Мен өзім білмейтін жерде ояндым, тәнім қатты ауырып тұрды және бұл жарақатты жақын адамымның салғанын түсініп тұрдым. Және жылағым келді. Жылап жібердім – даусымды шығарып тұрып жыладым. Дәл осылай. Мен ол кезде жеті жаста болатынмын, небәрі жарты сағаттың ішінде барлық тісімнен айырылдым… Жоқ, бұлай түсініксіз. Басынан бастайын”, – деп жазылған кітаптың кіріспесінде.
Продюсер алғашқы бөлімді “Болады және болмайды” деп атауды жөн көрген екен. Кейінгі тақырып – “Мұның барлығы сен үшін”. Ал желі қолданушылары өз кезектерінде кітапты асыға күтіп жүргендерін жеткізген. “Сіз ержүрек әйелсіз. Мен сізді мақтан тұтамын”, “Ит үреді, керуен көшеді. Иттердің үргеніне көңіл бөлмеңіз”, “Әрбір әйел бақытты болуы үшін жаратылған. Бақытты болыңыз! Баян апай, қыздарыңыздың қызығын көріңіз”, “Аз уақыт ішінде тез оңалғаныңызға қуаныштымын. Мен сіздің жетістіктеріңіз үшін шын қуанамын”, “Қашан шығады? Электронды нұсқасы бола ма? Асыға күтетін боламын” деп жазады желі қолданушылары.
Жіберіп алмаңыз:
Жұрт “Ninety one” әнін домбырамен орындаған жігітті Мейрамбек Беспаевқа ұқсатты (видео)
Дастан Оразбеков іштегі жанайқайынан қалай арылатынын айтты (фото)
Баян Есентаеваның жаңа сүйіктісінің екі ересек баласы бар (фото)