"Басым бос": Өзін Болат Назарбаевтың тоқалы деп таныстырған Динара Әлжан бұдан былай жігіттердің қалтасына қарамайтынын айтты

Отандық әнші Динара Әлжан әлеуметтік желіде оқырмандардың сауалдарына жауап берді деп хабарлайды Stan.kz ақпарат агенттігі.

©instagram.com/dinaralzhan

Өзін  Болат Назарбаевтың тоқалы деп таныстырған өнер иесінің қазіргі жеке өмірі көпшілікке қызық. 

“Қазір жалғызсыз ба? Тұрмыс құруға ниетіңіз бар ма?” деген оқырман сұрағына Динара: “Басым бос, тұрмысқа шығуға ниетім бар” деп жауап берді. Айтуынша, оны болашақ күйеуінің материалдық жағдайы қызықтырмайтын көрінеді.

Желі қолданушысының: “Тұрмысқа шығу үшін жігіттің жағдайына қарайсың ба?” деген сауалына әнші: “Жоқ”, – деп қысқа жауап қайырды.

Бұған дейін Динара Әлжан өзін көпшілікке Болат Назарбаевтың тоқалымын деп таныстырып, хитмен Қайрат Нұртаспен және әнші Кенталмен қарым-қатынасы туралы айтқан болатын.