"Балаларымды бағып жатыр": Ақбота-Нұр Сейтмағамбетова бұрынғы ата-енесіне қатысты сұраққа жауап берді

Фото: https://www.instagram.com/akbotanurabaykyzy/

Танымал әнші Ақбота-Нұр Сейтмағамбетова бұрынғы ата-енесімен араласып тұратынын айтты. Бұл туралы Stan.kz ақпарат агенттігі хабарлайды. 

Өнер иесі балаларына қарайласатын ата-енесін мақтады. 

“Екі құлыныма жүректері кең, ұрпақ қамын ойлайтын, махаббат пен қамқорлығын аямайтын ардақты ата-әже нәсіп етті. Менің бұрынғы ата-енем балаларыма қарайды. Менің жұмысымның ақсап қалмауын түсініп, әрдайып қолдау білдіреді. Маған көп мүмкіндік берді. Жас кезімде дамысын, оқысын көрсін деп отырады. Аяққа тұрып, өсуімді тілейді. Бұрынғы күйеуімнің әке-шешесі өз ата-анама айналып кеткен. Алғыстан басқа айтарым жоқ. Амандық болсын әрдайым”,  – деп жазды әнші. 

• "Құны – 7 миллион теңге": Ақбота-Нұр Сейтмағамбетова өзіне қымбат сыйлық жасады

• "Қолдауың шабыттандырады": Дәурен Айдарқұлов экс жұбайы Ақбота-Нұрға алғыс білдірді

Сондай-ақ бұрынғы жолдасы Дәурен Айдарқұловтың үйленгеніне қатысты да пікір білдірді. 

“Ол қуанышты жаңалыққа әрине ортақтасамын. Себебі әр адам өз тіршілігін реттеуге, алға қарай қадам жасауға лайық. Жүрегімде тек қана шүкіршілік сезімі бар. Ол кісіге тек бақытты болсын деп айтамын”, – деп жазды өнер иесі. 

Еске салайық, Ақбота-Нұр Сейтмағамбет жаңа оқу жылына балаларын 1 миллион теңгеге киіндіргенін айтты.