Балалар үйінің түлектеріне тегін жоғары білім алуға мүмкіндік: "Өмірге жолдама" бағдарламасына өтінімдер қабылдау басталды

"Нұрбанк" АҚ "Өмірге жолдама" әлеуметтік білім беру бағдарламасына қатысуға өтінімдерді қабылдау басталғанын хабарлайды. Бұл бастама жетім балалар мен ата-анасының қамқорлығынсыз қалған жасөспірімдерге еліміздің жетекші жоғары оқу орындарының бірі – Caspian University-де тегін жоғары білім алуға, сондай-ақ оқудың барлық кезеңіне Нұрбанктен ай сайынғы шәкіртақы алуға бірегей мүмкіндік береді. 

Оқу жылының аяқталуына дейін санаулы апталар қалды. 11-сынып түлектері үшін бұл ерекше уайымдайтын кезең – ол қабылдау емтихандары, мамандық таңдау, болашақтары туралы армандар. Қазақстанның Білім министрлігінің болжамы бойынша 2025 жылы 11-сынып түлектерінің саны шамамен 188 900 адамды құрайды. Олардың әрқайсысы үшін жаңа өмірге жол ашылады. Бірақ олардың арасында бұл жол ерекше қиынға соғатын балалар бар – балалар үйінің тәрбиеленушілері.  

Мемлекет негізгі міндеттерді шешуді өз мойнына алады: білім беру, тәрбиелеу, негізгі қажеттіліктерді қамтамасыз ету. Дегенмен, кәмелеттік жасқа жету дербестікті талап етеді және күнделікті өмірді ұйымдастырудан өмір жолын таңдауға дейін көптеген қиындықтармен кездестіреді. Жақындарының қолдауынсыз балалар үйіндегі көптеген балалар қиын жағдайларға тап болады. 
Осы қиындықтардан өтуге көмектесу үшін 2014 жылы Нұрбанк "Өмірге жолдама" әлеуметтік бағдарламасын іске қосты. Бұл бастама балалар үйінің түлектері мен ата-анасының қамқорлығынсыз қалған балаларға Caspian University-де тегін оқуға мүмкіндік береді. Сонымен қатар, банк шәкіртақы, жол жүру ақысы мен күнделікті қажеттіліктерді өтейді. Оқытуды аяқтағаннан кейін бағдарламаға қатысушыларға жұмысқа тұруға кепілдік беріледі.  

Студенттерге қолдау көрсету тек оқу үрдісімен ғана шектелмейді. Нұрбанк балалардың қызығушылықтарын, спорт үйірмелеріне қатысты іс-шараларын қаржыландыру арқылы олардың дамуға деген ұмтылысын ынталандырады. Студенттер банктің бөлімшелері мен филиалдарында өндірістік практикадан өтеді. Бұл оларға қажетті дағдыларды меңгеруге және болашақ мансапқа дайындалуға көмектеседі – оның ішінде аймақтық бөлімшелер мен Нұрбанкпен үлестес компанияларда. 

Бағдарлама іске қосылған сәттен бастап оған Қазақстанның әр өңірінен 85-тен астам жігіттер мен қыздар қатысты. Жыл сайын қатысушылар саны тұрақты өсуде. 2024–2025 оқу жылында бағдарлама бойынша 24 студент оқып жатыр. Биыл бағдарламаның тоғызыншы түлектері диплом мен үлкен өмірге жолдама алады. 

2025–2026 оқу жылына арналған "Өмірге жолдама" бағдарламасына қатысуға өтініш қабылдау басталды. Бағдарлама және қатысу шарттары туралы толығырақ келесі сілтеме бойынша біле аласыз: 

Бағдарлама жөнінде оның қатысушылары, идеялық дем берушісі мен бағдарлама студенттері оқыған оқу орындарының басшылары жақсы айтып бере алады. Бағдарламаға қатысушылардың шынайы оқиғалары, сондай-ақ біздің материалымызда осы жобаның бір бөлігі болған тұлғалардың пікірлері.  

Эльдар Сарсенов, "Өмірге жолдама" бағдарламасының негізін қалаушы

Ата-анасының қамқорлығынсыз және отбасының қолдауынсыз қалған балалар саны азаюының оң статистикасына қарамастан, бұл мәселе әлі де бар.  

Басты мәселелердің бірі – интернаттан шыққан балалардың болашағы. Балалар үйінен шыққан балалар білім алу, жұмыс табу, ақшаны басқару, өз бетінше шешім қабылдау сияқты және т.б. қиындықтарға тап болады. Олардың көпшілігіне ересек өмірге бейімделу қиынға соғады. 

Бұл дағдылардың барлығын әдетте дәстүрлі отбасында өскен қарапайым адам айналасындағы жалпы ортаға бейімделе отырып, біртіндеп игереді. Статистикаға сүйенсек, балалар үйіндегі әрбір он баланың біреуі ғана жоғары оқу орнына түсе алады. Жиырма адамнан тұратын сыныпты елестетіп көріңізші - олардың екеуі ғана жоғары оқу орнына түседі. Білім алу – балалардың әлеуметтену мүмкіндігі. 

Менің әртүрлі елдерде өмір сүру тәжірибем бар және атап өткім келетіні: Қазақстанда жетім және ата-анасының қамқорлығынсыз қалған балаларға мемлекет айтарлықтай әлеуметтік қолдау көрсетеді. Балаларды балалар үйлеріне орналастыру, тамақпен, кепілдендірілген орта және орта арнаулы біліммен қамтамасыз ету, сондай-ақ жеңілдік санатында пәтер алу мүмкіндігі қарастырылған. Жағдайды бағалай келе, біз бір олқылық бар деп шештік – толыққанды жоғары білімнің жоқтығы, сондықтан "Өмірге жолдама" жобасын жасадық. 

Бұл балалар үшін "Өмірге жолдама" шынымен де тағдырдың сыйы. 

Дмитрий, "Өмірге жолдама" бағдарламасының түлегі

Жасы: 23 жаста.

Туған қаласы: Өскемен

Жоғары оқу орны: Caspian University

Мамандығы: Бағдарламалық инженерия

Жұмыс орны: "Нұрбанк" АҚ-да бағдарламашы инженер

"Өмірге жолдама" бағдарламасы туралы маған балалар үйі директорының тәрбие ісі жөніндегі орынбасары айтып берді. Бағдарламаға түсу қиынға соқпады, өйткені шарттар ҰБТ-дан айтарлықтай жоғары емес балл жинау қажет болды. Бағдарламаның шарттары бойынша өзің туралы эссе жазу, Нұрбанк өкілімен сұхбаттасу, сондай-ақ ҰБТ сертификатын ұсыну қажет болды.  
Университетке түскенде мен "Бағдарламалық инженерия" мамандығын таңдадым, себебі IT саласы 2020 жылы тез дамып, танымал бола бастады. Алған білімім болашақта жұмыс істеуге көмектесті. 

Қазіргі уақытта Нұрбанктің банк жүйесін дамыту бөлімінде дизайнер болып жұмыс істеймін. Бұл жерде мен мобильді және веб қосымшаларына арналған интерфейстерді әзірлеймін және жұмысымды мен ұнатамын.   

Мен бұл бағдарламаны сенімді түрде ұсына аламын. Өйткені, балалар үйінің тәрбиеленушілеріне жатақхана, тамақ, бос уақытты ойламай, Алматыда тегін жоғары білім алып, сонымен қатар шәкіртақы алуға мүмкіндігі көп емес.  

Элоиза, "Өмірге жолдама" бағдарламасының студенті

Жасы: 20 жаста

Туған қаласы: Орал

Жоғары оқу орны: Caspian University

Мамандығы: Интерьер дизайнері 

"Өмірге жолдама" бағдарламасы туралы әжемнен білдім – ол ақпаратты әлеуметтік желіден көрді. Біз бірден өтініш беріп, қабылдау емтихандарына дайындала бастадық. 

Бағдарламаға түсу үдерісінің өзі қиын болған жоқ, өйткені мен өзіме ұнайтын шығармашылық мамандықты таңдадым. Мен Жоғары оқу орнында екі шығармашылық емтихан тапсырдым: біріншісі, сурет салу бойынша, шынымды айтсам ол мен үшін оңай болмады, өйткені мен қатты қобалжыдым. Ал екінші емтихан керемет өтті – мен жоғары балл жинадым. Қазір интерьер дизайнері мамандығына оқып жатырмын.   

Студенттік өмірдің керемет жағы - сіз тәуелсіз бола аласыз, уақытыңызды қалай өткізуді таңдайсыз және әртүрлі адамдармен танысасыз. Тағы бір жақсы нәрсе, шынымен қызықтыратын нәрсені біле аласыз және қызықты отырыстарға, саяхаттар мен студенттік іс-шараларға қатыса аласыз. 

Мен "Өмірге жолдама" бағдарламасын қолдаймын, себебі бұл жаңа қаланы көруге, сапалы білім алуға және құнды тәжірибе алуға тамаша мүмкіндік. Сонымен қатар бұл бағдарлама өркендеуге, қабілеттеріңізді ашуға және өміріңізді жақсы жаққа өзгертуге көмектеседі.  

Арман, "Өмірге жолдама" бағдарламасының студенті

Жасы: 18 жаста

Туған қаласы: Ақтөбе

Жоғары оқу орны: Caspian University

Мамандығы: Бағдарламалық инженерия 

Нұрбанктің білім беру жобасы туралы маған әпкем айтып берді. Мен бірден Алматыға оқуға барамын деп шештім. Барлық іріктеу турларынан кейін маған Нұрбанктің қызметкері телефон соғып, оқуға қабылданғанын, тіпті ұшақ билетін де сатып алғанын айтты. Мен қатты қуандым! Сол кезде мен Алматыға ұшатыныма, екі күн пойызбен жүрмейтініме ерекше қуандым.  

Мен Caspian University-де IT мамандығы бойынша оқып жатырмын. Бағдарламашы мамандығы еліміздегі сұранысқа ие және болашағы зор мамандықтардың бірі деп есептеймін.  

Жоғары білім алуды армандайтын жігіттердің барлығына осы бағдарламамен мұқият танысуға кеңес беремін. Оның көптеген артықшылықтары бар: тегін оқу және тұру, жақсы шәкіртақы мен жұмысқа орналасу мүмкіндігі.  

Меруерт Раскулова, "СҚО білім беру басқармасы" КММ "Мағжан Жұмабаев ауданының балаларын қолдау орталығы" КММ директорының орынбасары 

Біздің мекемеде қазіргі уақытта 60 тәрбиеленуші бар. Өкінішке орай, көптеген балалар 9-сыныпты бітіргеннен кейін бірден ересек өмірге кетуді шешеді. Олар еркіндік пен тәуелсіздікті сезіну үшін үлкен қалаға кетуге ұмтылады. Бірақ біз балаларға 11-сыныпты бітіргенше Орталықта болыңдар деп үнемі айтамыз.  Өйткені, осы екі жыл ішінде олар есейіп, өмірге көзқарастары мен ойлауы өзгереді, көп нәрсеге басқаша қарай бастайды. 

Нұрбанкпен әлеуметтік жоба бойынша ынтымақтастық 2023 жылы басталды. Банк қызметкерлерінің өздері бізбен хабарласып, қатысуға шақырды. Қазір осы бағдарлама бойынша бір тәрбиеленушіміз білім алуда. Даниланың "жолдама" алғанын естігенде қуанышымызда шек болмады. Данила қазіргі уақытта университеттің екінші курс студенті, оған бәрі ұнайды. Биыл біз тағы да өтініш бердік және осы бағдарламаға тағы бір тәрбиеленушіміз таңдалады деп үміттенеміз.   

Орталықты бітіргеннен кейін көптеген тәрбиеленушіміз қиналып қалады, әсіресе ата-анасының үйін білмейтіндер, өйткені балалардың көбісі бізге 3 жасынан түседі. Сондықтан "Өмірге жолдама" бағдарламасының бізге ұнайтыны – Нұрбанк балалардың оқуы мен тұруына толық жауапкершілікті өз мойнына алып, оларға шәкіртақы төлеп, оқуын аяқтаған соң жұмысқа орналасуға көмектесетіні. Әрине, көп нәрсе балалардың өзіне де байланысты, бірақ осы бағдарламаның арқасында біз олардың болашағына алаңдамаймыз. Елімізде жетім және ата-анасының қамқорлығынсыз қалған балаларға қолдау көрсететін осындай жобалардың көбейгенін қалаймыз.  

Павел Коваль, Қостанай облысы Әкімдігінің Білім беру басқармасы "Рудный қаласының арнайы әлеуметтік қызметтерді қажет ететін балаларды қолдау орталығы" КММ директоры 

Біздің балалар үйі 1959 жылы ашылған және Рудный қаласында орналасқан. Біздің тәрбиеленушілеріміздің 80%-ға жуығы ата-анасының қамқорлығынсыз қалған балалар немесе ата-анасының біреуінен немесе екеуінен де айырылған балалар. Қазір мекемеде 152 бала тәрбиеленуде. Бірақ бұл сандар үнемі өзгеріп отырады: кейбір балалар отбасына барады, ал кейбіреулері, керісінше, бізге түседі. 

Біз балаларға өмірде әртүрлі жолдар мен мүмкіндіктер бар екенін және олардың әрқайсысы табысты болуы мүмкін екенін түсінуге көмектесеміз. Алғашқы нәтижелер мектепте балалар өзіне деген сенімділігін дамыта бастағанда қол жеткізіледі. Біздің балаларымыздың арасында өте жақсы және үздік оқушылар бар екенін мақтан тұтамыз. Бір-екі жыл бұрын балалардың көбі 9-сыныпты бітіріп, орталықтан кетсе, бүгінде жоғары оқу орындарына түсуді жоспарлап отыр. 

Біз "Өмірге жолдама" бағдарламасымен кездейсоқ танысып қалдық – мұғалімдеріміздің бірі осы бастама туралы ақпарат жазылған брошюраны көріп қалды. Біздің балалар үйінің басқа тәрбиеленушілеріне осы бағдарламаға жол ашқан алғашқы қарлығашымыз Юанна болды. Одан кейін тағы сегіз баламыз сол бағдарлама бойынша оқуға түсті. 

Менің ойымша, "Өмірге жолдама" өте қажет, маңызды және уақытылы білім беру бағдарламасы. Балалар үшін қолдау мен көңіл бөлу өте маңызды, өйткені өмірдің осы кезеңінде көпшілігі орнын таппай, үлкен күйзеліске ұшырайды. Ал Нұрбанк осындай жағдайда оқуға, күнделікті өмірге, тұрмысқа қолдау көрсетіп, әрі қарай жұмысқа орналасуға мүмкіндік береді. 

Біз осы бағдарламаға түскенімізге қуаныштымыз және балаларымыз өздерін жақсы жағынан көрсетіп, бізді ұятқа қалдырмай, басқа тәрбиеленушілерімізді осы бағдарламаға түсуге және Қазақстанның әсем қалаларының біріне оқуға келуге шабыттандырғанына қуаныштымыз.  

"Нұрбанк" АҚ Қазақстан Республикасы Қаржы нарығын реттеу және дамыту агенттігінің 2020 жылғы 3 ақпандағы № 1.2.15/193 лицензиясы бар.

Жарнама құқығында