Азия чемпиоатында үздік шыққан боксшылар қомақты қаржыға ие болды
Қазақстан бокс федерациясы 2024 жылы өткен ересектер арасындағы Азия чемпионатының және жастар арасындағы әлем чемпионатының нәтижесі бойынша марапаттау рәсімін өткізді. Бұл туралы Stan.kz ақпарат агенттігі хабарлайды.
Фото: ҚБФ
Бокстан Азия чемпионатында үздік шыққан боксшылар марапатталып, қаржылай сыйақыға ие болды. Астанада өткен іс-шара барысында Азия чемпионаты мен жастар арасындағы әлем чемпионатының жеңімпаз және жүлдегер атанған спортшыларға, олардың жеке бапкерлеріне, құрама жаттықтырушыларына және дәрігерлеріне ақшалай сыйақы табысталды. Чемпиондарға 3,5 миллион теңге табыс етілді. Қаржылай сыйақы Азия біріншілігі мен жастар арасындағы әлем чемпионатында алған орындарына қарай бөлініп берілді. Ал бокстан ерлер құрамасының бас бапкері Қайрат Сәтжанов пен әйелдер құрамасының бас бапкері Елдос Сайдалин 4 миллион теңгеге ие болды.
Айта кетейік, Таиландтың Чиангмай қаласында өткен Азия чемпионатында Қазақстан құрамасы 10 алтын, 5 күміс, 6 қола медаль жеңіп алған еді.
