Сыртқы істер министрінің айтуынша, Әзірбайжан президенті Ильхам Әлиев Ирандағы дипломатиялық персоналды толық шығару туралы шешім қабылдаған.
Әзірбайжан Ираннан өз елшілігін эвакуациялап жатыр
Әзірбайжан президенті Ильхам Әлиев Тегерандағы елшілікті және Тебриздегі бас консулдықты эвакуациялау туралы тапсырма берді. Бұл туралы Stan.kz ақпарат агенттігі хабарлайды.
Бұған дейін Қауіпсіздік кеңесінің шұғыл отырысында Әлиев Нахчыван әуежайына дрондардың құлауын теракт деп атап, күштік құрылымдарды жоғары дайындық режиміне келтірген еді.
Иран тарапы Нахчывандағы ұшқышсыз аппарат шабуылы Израиль тарапынан жасалған арандату болуы мүмкін екенін мәлімдеді.
Әзірбайжан президенті Иранның Нахчыванға жасаған шабуылын "террористік акт" деп атады
“Бұл үдеріс Тегерандағы елшілікке де, Тебриздегі консулдыққа да қатысты. Қазір осы бағытта тиісті жұмыстар жүргізіліп жатыр”, – деді ол.
Байрамов кеше Иранның сыртқы істер министрімен телефон арқылы сөйлескенін, сол кезде тараптар осы мәселені талқылағанын мәлімдеді. Оның сөзінше, Иран тарапы жан-жақты тергеу жүргізуге уәде берген, ал Баку сол тексерудің қорытындысын күтіп отыр.
Еске салайық, кеше Ираннан ұшқан екі дрон Әзірбайжан аумағына құлаған еді. Салдарынан 4 адам зардап шекті. Әзірбайжан президенті Ильхам Әлиев Нахчывандағы дрондар соққысын теракт деп бағалайтынын айтты. Қазақстан Президенті бауырлас, одақтас Әзірбайжан еліне қарсы жасалған әрекетті қатаң айыптады.
Алматылықтарға жер сілкінісінен қорғайтын арнайы "қауіпсіздік торы" ұсынылды
Құрылғының көлемі шамамен лифт кабинасындай болады және оған бір отбасы сыя алады
Топ чемпионатта ойнағым келеді, ал білім мен спортты қатар алып жүру маңызды қағидам — Әділет Садыбеков
Әділет Садыбеков – Чемпиондар лигасында гол соққан үшінші қазақ футболшысы