AAPL
140.36 $
-1.92 %
TSLA
628.16 $
-6.93 %
NDAQ
146.63 $
-0.73 %
GOOGL
2119.4 $
-4.95 %
FRHC
39.75 $
-2.5 %
AAPL
140.36 $
-1.92 %
TSLA
628.16 $
-6.93 %
NDAQ
146.63 $
-0.73 %
GOOGL
2119.4 $
-4.95 %
FRHC
39.75 $
-2.5 %
Соңғы жаңалықтар
Соңғы жаңалықтар

Айзат Молдағасымованың інісі "Алматы қала жарықты" жекешелендіріп алды

Қаланың сыртқы жарықтандыру жүйелерін автоматтандыруға және орталықтандыруға жауапты "Алматы қала жарық" шаруашылық жүргізу құқығындағы коммуналдық мемлекеттік кәсіпорнын 2021 жылдың желтоқсан айының соңында жеке компания ABM Group.com ЖШС тендер арқылы сатып алған. Ашық дереккөздерге сүйенсек, оның басшысы қазіргі таңда қалалық емханалардың бірінің бас дәрігері қызметін атқарып отырған Айзат Молдағасымованың інісі Азамат Молдағасымов. Бұл жөнінде Stan.kz ақпарат агенттігі "Время" басылымына сілтеме жасап хабарлайды.

молдагасимов коллаж

Айзат Молдағасымова сондай-ақ Алматы қалалық санитарлық-эпидемиологиялық бақылау департаментінің бұрынғы басшысы. 

"Алматы қала жарығын" жекешелендіруге келетін болсақ, әкімдіктің баспасөз қызметінің мәліметінше, мәміле сомасы сметалық құны 14,8 млрд теңгені құрағанына қарамастан, 4,6 млрд теңгені құраған. Және бұл жалғыз заң бұзушылық емес. Бәсекелестікті қорғау және дамыту агенттігінің Алматы қаласы бойынша департаменті қаладағы сыртқы жарықтандыру жүйесін автоматтандыру мен орталықтандыруды басқару қызметтерін көрсету нарығына талдау жүргізіп, "Алматы қала жарық" компаниясы монополист деген қорытындыға келді. Ал мемлекеттік мүлік туралы заңға сәйкес, үстем немесе монополиялық жағдайға ие ұйымдарды жекешелендіру туралы шешімді жергілікті атқарушы органдар емес, үкімет қабылдайды.

"Осылайша, Алматы әкімдігінің "Алматы қала жарығын" жекешелендіру туралы қаулысы мемлекеттік мүлік туралы заңнама нормаларына қайшы келеді және бәсекелестікті шектейді. "Алматы қала жарығын" жекешелендіру стратегиялық мемлекеттік кәсіпорынды жоғалтуға әкелуі мүмкін. 

Осыған байланысты Алматы қаласы әкімдігі бәсекелестікті қорғау және дамыту агенттігінің қала бойынша департаментінің хабарламасы негізінде "Алматы қала жарық" шаруашылық жүргізу құқығындағы мемлекеттік коммуналдық кәсіпорынын жекешелендіру туралы шешімнің күшін жою жөнінде шаралар қабылдауда", - деп мәлімдеді қалалық әкімдіктің баспасөз қызметі.



Еске салайық, 2019 жылдың 28 маусымынан бастап Алматы қаласының әкімі қызметін Бақытжан Сағынтаев атқарып келді. 2022 жылдың 31 қаңтарында бұл қызметке Ерболат Досаев тағайындалды.

"ABM Group.com" ЖШС-не келетін болсақ, компания 2010 жылдың ақпан айында тіркелген. Жалғыз құрылтайшысы және бірінші басшысы – Азамат Балтағұлұлы Молдағасымов болып көрсетілген.

2018 жылдың қарашасында әлеуметтік желілерде оның Алматы қалалық денсаулық сақтау басқармасына қарасты балалар тіс емханасының жаңа қожайыны болғаны туралы ақпарат пайда болды. Мекеме электронды тендер арқылы 621 миллион теңгеге сатылған. Бастапқы баға – 262 701 000, сметалық құнынан екі есе төмен болса, кепілді жарна – 72 150 000 теңге.

Хабарламада сондай-ақ Айзат Молдағасымова ағасымен бірге медициналық мекемеге келіп, қоймаларды дәрі-дәрмекпен бекітіп, есеп-қисап жүргізіп, күзетшілерін қойғаны, командаға олардың енді меншік иелері екенін жариялап, емхана жұмысын тоқтатқаны туралы жазылған. Кейін, 2019 жылдың сәуір айында Молдағасымова балалар невропатологы Қайырғали Көнеевті, балалар стоматологиялық емханасының бұрынғы дәрігері Сәуле Сиырбайды және денсаулық сақтау басқармасының бұрынғы қызметкері Лариса Лянды сотқа беріп, олардың әлеуметтік желіде жариялаған ақпаратын жоққа шығаруды талап еткен.



Айта кетейік, Айзат Молдағасымова 2017-2019 жылдар аралығында ҚР денсаулық сақтау министрлігі Қоғамдық денсаулық сақтау комитетінің Алматы қаласы бойынша қоғамдық денсаулық сақтау басқармасының басшысы қызметін атқарған. Ал 2019-2020 жылдар аралығында ҚР денсаулық сақтау министрлігі тауарлар мен қызметтердің сапасы мен қауіпсіздігін бақылау комитетінің Алматы қаласы бойынша тауарлар мен қызметтердің сапасы мен қауіпсіздігін бақылау департаментін басқарған.
2020 жылы пандемия кезінде Айзат Молдағасымова Алматы қалалық орталық клиникалық ауруханасының медицина қызметкерлерін сақтық шараларын сақтамай, ақыры коронавирус жұқтырды деп айыптады.

Нәтижесінде дәрігерлер мемлекет басшысы Қасым-Жомарт Тоқаевтан қорғауды сұрауға мәжбүр болды. Кейін белгілі болғандай, жанжалдан кейін орталық қалалық клиникалық аурухананың бас дәрігері Алмаз Джувашев "өз еркімен" деген желеумен жұмыстан босатылған. 

Айтпақшы, Молдағасымова сонымен бірге Еуропаға сапарынан кейін үй карантині талаптарын сақтамады (ұшақта онымен бірге коронавирус жұқтырған адамдар байланыста болған) және өзіне негізсіз сыйақы алды деген айып та тағылды. Қазір ол Алматыдағы №27 қалалық емхананың бас дәрігері қызметін атқарады.

Талқылау
Пікір
Қазір оқып жатыр
Қазір оқып жатыр