"Мен ваххабизм мен салафизмге қарсымын": Қоғам белсендісі Мөлдір Әуелбекованы сынға алды

Қоғам белсендісі Әмина Смағұлова мәдениет министрі Ақтоты Райымқұлова мен ақпарат және қоғамдық даму министрі Аида Балаеваға ұсыныс айтты. Дін уағызшыларын арнайы мамандар ғана айтсын деген талап қойды. Бұл халықтың дін туралы дұрыс ілім алуына септігін тигізеді дейді ол. 

мөлдір әуелбекова

Қоғам белесендісі хиджаб киіп, намаз оқып кеткен өнер адамдарының желідегі оқырманына уағыз жүргізгенін де құп көрмейді.

"Құрметті мәдениет министрі Ақтоты Райымқұлова! Ақпарат және қоғамдық даму министрі Аида Балаева. Сіздерге бір сұрақ койсам бола ма?

Неге өнер жұлдыздары шетінен араб мәдениетін насихаттап, діни уағыздар жүргізіп кетті? Бұл дін саласындағы заңға кайшы, тіпті өрескел заң бұзушылық емес пе?

Қазақ өнерін насихаттауға жауапты "Қазақконцерт" ұйымының бас маманы, "Құрмет" өрденінің иегері, продюсер Мөлдір Әуелбекова есімін ауыстырып, Айша атты дін уағызшысы боп шыға келді.

"Тобымдағы бес қыз менің жолымды қуып намазға жығылды, ал сіздердің жүріс-тұрыстарың дұрыс емес, иманға келіңдер деп, миллиондаған жазылушыларына күнде уағыз айтып отыр.

Бұл бір ғана мысал, ал мұндай дін уағызшысына айналған әртістер, спортшылар қаншама? Жауапты министрліктер, органдар қайда қарап отыр?", - деді қоғам белсендісі желіде.

Айтуынша, ол дінбұзарларға, өзге ағымды насихаттауға қарсы. Оның алдын алу үшін шара қолдануды сұрайды.

"Мен дінге емес, ВАХХАБИЗМ - САЛАФИЗМГЕ қарсымын. Тауық сойса да касапшы сойсын дейді ғой. Әркім өз ісімен айналыссын! Діни білімді тек қана арнайы діни білімі бар имамдар және тек қана мешітте үйретсін!

Діни білімі жоқ адамдарға мүфтияттың және ҚР Ақпарат және қоғамдық даму министрлігінің арнайы діни сараптама комитетінің рұқсатынсыз діни уағыз жүргізуге тыйым салынсын! Теріс ағымдар жастарды адастырып, миларын улап болды!!!", - деп жазды Әмина Смағұлова. 

Қоғам белсендісі еліміздегі дін туралы заңды жариялап, көпшілікке ұсынды. 

Діни қызмет және діни бірлестіктер туралы

Қазақстан Республикасының 2011 жылғы 11 қазандағы № 483-ІV Заңы:

3-бап. Мемлекет және дін

1. Мемлекет дін мен діни бірлестіктерден бөлінген.

3. Ешбiр дiн мемлекеттік немесе міндетті дін ретінде белгіленбейді.

4. Діни білім беру ұйымдарын қоспағанда, Қазақстан Республикасында бiлiм беру мен тәрбиелеу жүйесі дін мен діни бірлестіктерден бөлiнген және зайырлы сипатта болады.

8-бап. Миссионерлік қызмет

1. Қазақстан Республикасының азаматтары, шетелдіктер және азаматтығы жоқ адамдар миссионерлiк қызметтi тiркеуден өткеннен кейiн жүзеге асырады.

9-бап. Дiни әдебиет және дiни мақсаттағы заттар

2. Діни әдебиетті, діни мазмұндағы өзге де ақпараттық материалдарды, діни мақсаттағы заттарды тек қана ғибадат үйлерінде (ғимараттарында), діни білім беру ұйымдарында, сондай-ақ облыстардың, республикалық маңызы бар қалалардың және астананың жергілікті атқарушы органдары арнайы белгілеген тұрақты үй-жайларда таратуға жол беріледі.

3-1. Діни әдебиетті және діни мазмұндағы өзге де ақпараттық материалдарды әзірлеуге, шығаруға және таратуға дінтану сараптамасының оң қорытындысы алынғаннан кейін жол беріледі.

Талқылау
Пікір
Марал
05 Қар, 20 жыл - 16:30

Ия, әркім өз ісімен айналысу керек. Шынымен де куәлігі бар діни сауаты бар адамдар уағыз жүргізгені дұрыс деп есептеймін. Өйткені қазір қоғамда дін жағынан адасушылықтар көп, сондықтан да бұндай мәселеде қатаң бақылау болу керек.

Қазір оқып жатыр
Çàãðóçêà...
Қазір оқып жатыр