"Сотқа дейінгі тергеу амалдары жүріп жатыр. Алдын ала мәлімет бойынша, қайғылы оқиға марқұмның гаражында әйелімен арасында болған жанжалдан кейін орын алған. Бірқатар сараптамалар тағайындалды, оның қорытындысы бойынша шешім қабылданады. Полиция қызметкерлерінің ішкі құжатын тарату фактісі бойынша Павлодар облысының полиция департаменті қызметтік тексеру жүргізеді", – деп мәлімдеді Екібастұз қалалық полициясы.

Еске салайық, желтоқсанның 6-сына қараған түні Екібастұз жылу электр орталығының басшысы Сергей Видлог үйінің гаражында өлі табылғаны белгілі болған.

Еске салайық, 27 қарашаға қараған түні Павлодар облысындағы Екібастұз қаласы 30 градустық аязда жылу электр орталығындағы қазандықтардың тоқтап қалуына байланысты жылусыз қалған болатын. 28 қарашада Екібастұзда төтенше жағдай режимі енгізілді. Дәл осы күні Қазақстан президенті Қасым-Жомарт Тоқаев проблемалық энергетикалық активтерді мемлекет меншігіне қайтару мәселесін қарастыруды тапсырған.

Кейіннен жылу электр орталығындағы апатқа қатысты тергеу басталғаны белгілі болды. Апатты жою үшін Астана мен тағы үш қаладан мамандарды жіберу туралы шешім қабылданды. Премьер-министр Әлихан Смайылов осы апатқа байланысты Қазақстан өңірлеріндегі энергетика нысандарына толық техникалық аудит жүргізуді тапсырды.

"Түбіртекті сақтау керек": Екібастұз тұрғындарына келтірілген шығын қалай өтелетіні белгілі болды

Екібастұз тұрғындарының пәтерлеріндегі жарылған батареяларды Клебановтың компаниясы ауыстырады

Екібастұзда барлық көпқабатты үйлердің жертөлесіне жылу берілді – Олег Крук

30 қарашада мәжіліс депутаты Ерлан Сайыров Александр Клебановтың Екібастұз жылу-электр орталығын 1 теңгеге мемлекетке сатуға әзір екенін мәлімдеген.

“Ол нысанды мемлекет меншігіне 1 теңгеге беруге дайын екенін мәлімдеді. Біз бұлай болмайтынын айттық. Нысанды меншігіне алған кездегі тозу деңгейі мен қазіргі тозу деңгейін салыстырып, айырмашылықты төлеу керегін жеткіздік. Екіншіден, ол Екібастұз тұрғындарына моральдық өтемақы төлеуі керек", – деген ол.

Сол күні Екібастұз қаласының жылу-электр орталығында (ЖЭС)болған апат фактісі бойынша қылмыстық іс қозғалды. Тергеу барысы Павлодар облысы прокурорының жеке бақылауына алынған.

Сонымен қоса премьер-министрдің орынбасары, сауда және интеграция министрі Серік Жұманғарин Екібастұз тұрғындарына келтірілген шығындарды Орталық-Азия Электроэнергетикалық корпорациясының иелері төлейтінін айтқан.

1 желтоқсанда Роман Скляр Екібастұзда болған ірі коммуналдық апаттың алдын ала себебін атаған. Ол жылу желілерінің бұзылуына станция қызметкерлерінің қате әрекеті себеп болғанын айтқан еді.

5 желтоқсанда Павлодар облысы әкімінің уақытша міндетін атқарушы Олег Крук Екібастұзда барлық көпқабатты үйлердің жертөлесіне жылу берілгенін мәлімдеді. Дегенмен әлі 70 жеке үй жылу жүйесіне қосылған жоқ.

Талқылау