Қазақстанда адам аңдығандар жазаланбақ
Бас прокуратура Қазақстанда аңду әрекеті үшін әкімшілік жауапкершілік енгізуді ұсынды. Бұл туралы Stan.kz ақпарат агенттігі хабарлайды.
Фото: freepik.com
Бұл туралы бас прокуратура жанындағы үйлестіру кеңесінің отырысында айтылды.
"Қазір әйелдер осы ер адамдар тарапынан аңду әрекетімен жиі бетпе-бет келуде", – деді бас прокуратураның қоғамдық мүдделерді қорғау қызметінің басшысы Марат Әбішев.
Оның айтуынша, мұндай әрекеттер үшін Германия, АҚШ, Канада, Ұлыбритания, Норвегия, Польша, Молдова, Голландия және Үндістанда қылмыстық жауапкершілік енгізілген.
"Біздің елде бұл үшін тіпті әкімшілік жаза да қарастырылмаған, менің ойымша, бұл мәселені зерттеп, заң жобасы аясында әкімшілік құқық бұзушылық туралы кодекске тиісті толықтырулар енгізуді пысықтау қажет", – деді Әбішев.
Еске салсақ, бұған дейін бас прокуратураның жиі жанжал мен төбелес шығатын мекемелерді жаппай жабуды ұсынғаны туралы жазған болытынбыз.