"АвтоЖол" жеңілдетілген автонесие бағдарламасы басталмақ”: Министрлік желіде тараған ақпаратқа қатысты мәлімдеме жасады
Фото: istockphoto.com
Өнеркәсіп және құрылыс министрлігі әлеуметтік желіде тараған "АвтоЖол+" атты жеңілдетілген автонесие бағдарламасы басталатыны туралы ақпаратты жоққа шығарды. Бұл туралы Stan.kz ақпарат агенттігі хабарлайды.
Желіде тараған ақпартта жаңа автонесиенің бастапқа жарнасыз, жылдық 2%-дан басталатын мөлшерлемемен берілетіні, сондай-ақ автокөлік құнының 10%-дан 50%-ға дейінгі бөлігі субсидияланатыны айтылған.
Министрлік бұл ақпаратта көрсетілген шарттармен бағдарламаның іске қосылғаны жөнінде ресми мәлімдеме жасалмағанын атап өтті.
"Аталған ақпараттық материал жалған және алаяқтық мақсатта жасалған болуы мүмкін. Министрлік азаматтарды сақ болуға, күмәнді сілтемелерге өтпеуге, жеке деректерін тексерілмеген сайттарда енгізбеуге, сондай-ақ тек ресми дереккөздерде жарияланған ақпаратқа сенуге шақырады”, – делінген министрлік хабарламасында.
Еске салсақ, бұған дейін бірыңғай жинақтаушы зейнетақы қоры (БЖЗҚ) қазақстандықтарды зейнетақы жинақтарын шешіп алуға көмектесеміз деп уәде беретін алаяқтардан сақ болуға шақырған еді.
Екі қыз анасыз қалды: Атырауда ер адам әйелін ұрып өлтірді деген күдікке ілінді
