Соңғы жаңалықтар
Соңғы жаңалықтар

Алматыда автокөлік жүргізушісі полициядан қашамын деп жол апатына түсті

Жол апаты Алматыдағы Рысқұлов-Жансүгіров қиылысындағы көпірде болды. Полициядан қашпақ болған мемлекеттік тіркеу нөмірі жоқ көлік, екінші бір көлікке соқтығысып, жол апаты орын алды, деп хабарлайды Stan.kz ақпарат агенттігі. 

Куәгерлердің, сондай-ақ полиция қызметкерлерінің айтуынша, нөмірі жоқ Toyota Camry көлігі Рысқұлов даңғылымен жүріп өткен. Күдікті көлікті көрген полицейлер жүргізушіден тоқтатуды сұрады. Бірақ ол қатты жүріп, жасырынуға тырысты.

Жолдың қиылысына өтіп, көпірде Toyota Camry жүргізушісі сол бағытта келе жатқан Mitsubishi көлігін қағып кетті.

Toyota-да болған үш адам көліктен түсіп, қашып кетуге тырысты, бірақ полиция оларды ұстай алды. Олардың екеуі жол апатынан жарақат алып, ауруханаға жеткізілді, жүргізуші медициналық тексеруден өтті. 

Сонымен қатар, Mitsubishi жүргізушісі жарақат алды, алғашқы медициналық көмекті апат болған жерге келген фельдшерлер тобы көрсетті.

Кейін көлік нөмірі жоқ екені белгілі болды. Көлік жөндеу орталығында көлігін қалдырған әйелге тиесілі болып шықты. Салонда болған ер адамдардың айтуынша, олар көлік жөндеу орталығының қызметкерлері.
 

Талқылау
Пікір
Қазір оқып жатыр
Çàãðóçêà...
Қазір оқып жатыр