Атырау облысында жатақханадағы өртке кінәлілер 10 жылға сотталуы мүмкін
Атырау облысындағы осы сұмдық оқиғадан қаза тапқандарға туыстарының қатысуымен геномдық сараптама жүргізілген. Ал жұмысшылардың нақты неден көз жұмғаны сот-медициналық сараптама арқылы, яғни бір айдан соң белгілі болмақ. Сондай-ақ, бұл оқиға бойынша қылмыстық іс қозғалды, деп хабарлайды КТК арнасы.
«Аталған өрт оқиғасына қатысты ҚР Қылмыстық кодексінің 292- бабы, 3 бөлігі негізінде сотқа дейінгі тергеп-тексеру амалдары жүргізілуде. Бұл бапта өрт қауіпсіздік талаптарын бұзу нәтижесінде абайсызда 2 немесе одан да көп адамның өліміне әкеп соғу әрекеттері жазаланады осы бап негізінде», – дейді Атырау облыстық ІІД баспасөз қызметінің жетекшісі Назымгүл Қайсағалиева.
Бұл бап бойынша, кінәлілер анықталса 5 жылдан 10 жылға дейін бас бостандықтарынан айырылуы мүмкін. Айта кетейік, осы оқиғаға байланысты демалыс күндері Атырауға келген еліміздің Еңбек және халықты әлеуметтік қорғау вице-министрі Нұржан Әлтаев өрт кезінде зардап шеккендердің жағдайын білді. Сөз арасында ол қаза тапқандар мен зардап шеккендердің барлығына жұмыс беруші және мемлекет тарапынан өтемақы төленетінін де айтты. Өйткені, жұмысшылардың барлығы сақтандырылған екен. Қазіргі кезде оқиға болған нысандағы жұмыс тексеріс біткенше тоқтатылып, жұмысшылар үйлеріне жіберіліпті. Бірақ жалақылары сақталмақ. Осы қайғылы жағдайдан кейін мердігер компанияға қарасты жатақханалардың барлығы жедел тексеріліп жатыр.
Естеріңізге сала кетсек, 2 наурызда Атырау облысында Қарабатан «Газтурбиналық электрстансысының» құрылыс аумағында контейнер типтес жатақхана өртенді. Өрт кезінде 20 жұмысшының түнгі ауысым уақыты болған. Өрт салдарынын 7 адам көз жұмды.
Оқи отырыңыз:
Елімізде бастығы жыныстық қатынасқа мәжбүрлейтін қыз-келіншектер мұңын айтты
Атырау облысында тірідей жанып кеткен жұмысшылардың туыстары жатақханадағы сұмдықтарды айтты
Дәрігерлер қатты соққыдан миы шайқалған 5 жасар қыздың жағдайын айтты