ATP 250 Қытай: финалда Бубликке ықтимал қарсылас анықталды
Фото: Getty Images
Қытайдың Ханчжоу қаласында ұйымдастырылған ATP 250 турнирінде финалдың алғашқы қатысушысы белгілі болды. Бұл туралы Stan.kz ақпарат агенттігі хабарлайды.
Әлемнің 8-ракеткасы француз Валентен Руае жартылай финалда өз отандасы Корентен Мутені 6:3, 6:2 есебімен ұтып, шешуші кезеңге жолдама алды.
Матч 1 сағат 27 минутқа созылды. Руае екі эйс орындап, бір қос қате жіберді және сегіз брейк-пойнттың үшеуін тиімді пайдаланды. Мутенің еншісінде төрт эйс, үш қос қате болды, бірақ ол екі мүмкіндіктің бірде-бірін жүзеге асыра алмады.
Финалда Руаенің қарсыласы Александр Бублик (Қазақстан) пен қытайлық Ву Ибин арасындағы кездесудің жеңімпазынан анықталмақ.
Ханчжоудағы дода 17–23 қыркүйек аралығында өтуде. Турнирдің қазіргі чемпионы – хорват Марин Чилич.
"Бізден 100 есе жоғары алады": Қазақстан мен шетелдік дәрігерлердің жалақысын салыстырып көрдік
Алматының ауруханасында жұмыс істейтін дәрігерлер 160-250 мың теңге алады
Қазақстанда биыл БАҚ өкілдерін марапаттауға 35,2 миллион теңге бөлінген
Ал 2021 жылы журналистерді ынталандыруға тек 14,5 миллион теңге бөлінген