Атыраулық блогер Тоқаевты балағаттаған видеосы үшін қамауға алынды
Фото: pixabay.com
Атырау блогері Instagram парақшасында Қасым-Жомарт Тоқаевқа бағытталған бейәдеп сөздер айтылған видеоны жариялаған. Ол бейнероликте мемлекет басшысын балағаттап, "ел халқы жертөледе өмір сүріп жатыр" деп мәлімдеген. Бұл туралы Stan.kz ақпарат агенттігі хабарлайды.
Видео әлеуметтік желіде қызу пікірталас тудырды. Көптеген қолданушы оны орынсыз әрі дөрекі деп бағалады.
12 маусым күні сот аталған блогерге қатысты Әкімшілік құқық бұзушылық туралы кодексінің 434-бабы 1-бөлігі "Ұсақ бұзақылық" бойынша істі қарады. Іс материалдарына сәйкес видео қоғамдық тәртіп нормаларын бұзып, айналадағыларға ашық түрде құрметсіздік білдіреді.
"Сот құқықбұзушыны кінәлі деп таныды. Сот отырысы барысында блогер өз әрекетіне өкініш білдірді, бұл жеңілдететін мән-жай ретінде ескерілді. Алайда құқықбұзушылықтың сипаты мен оның қоғамдық қауіптілік деңгейін ескере отырып, оған 15 тәулікке әкімшілік қамауға алу жазасы тағайындалды", – деп хабарлады облыстық соттың баспасөз қызметі.
Қазақстанда келін өзін балағаттаған енесін сотқа берген
Еске салайық, бұған дейін Қызылорда облыстық соты келініне балағат сөздер айтқан қазақстандық ер адамға бірнеше күндік қамау жазасын беріп, 3 ай алкоголь ішуге тыйым салды. Соттың желідегі ресми парақшасында хабарланғандай, Әкiмшiлiк құқық бұзушылық туралы кодекстің 73-бабының 1-бөлігі (Отбасы-тұрмыстық қатынастар аясындағы құқыққа қарсы әрекеттер) бойынша әкімшілік құқық бұзушылық туралы іс Арал аудандық сотында қаралған.
Маңғыстауда тұрғындардың үйлерін, көшелерін қоңыз басты: Аумақтық инспекция жәндіктермен күресті халықтың өзіне қалдырды (видео)
