Астанада үнемі таяқ жеп ауруханаға түскен 7 жасар қыз үйіне қайтқысы келмейді
Астанада жеті жасар қыз үйіндегі үнемі ұрып-соғу салдарынан ауруханаға түскен. Бұл туралы Бала құқықтары жөніндегі уәкіл Динара Зәкиева Instagram-парақшасында хабарлады. Бұл туралы Stan.kz ақпарат агенттігі хабарлайды.
"Үйде жүйелі түрде ұрып-соғу салдарынан ауруханаға түскен жеті жасар қызды көруге бардым. Бала үйге қайтпай, ауруханада қалса бола ма деп сұрады", - деп жазды балалар омбудсмені.
Оның айтуынша, мектепте баланың денесінен соққы іздері анықталған. Мұғалімдер бірден кәмелетке толмағандар ісі жөніндегі инспекцияны шақырған. Сондай-ақ Динара Зәкиева қыздың отбасында жеті бала барын айтты.
Айта кетсек, бұған дейін бала құқықтары жөніндегі уәкіл Динара Закиева Екібастұздағы анасының қолынан өлген жеті жасар қыздың жағдайынан кейін мәлімдеме жасаған.
Талқылау
"Ізімнен қалмай, бөксемді ұстады": Елордалық қыз сауда орталығында келеңсіз жайтқа тап болғанын айтты
Басқа қыздар да басынан өткен ұқсас оқиғаларды баяндады
"Қуыршақ секілді тістеп ары-бері сүйреді": Алматы облысында 10 жасар баланы иттер талап, сан еті мен құлағын жұлып алған
Екатерина істі сотқа жеткізіп, медициналық анықтамаларды жинап, кейін прокуратураға шағымданбақ