Оқиға 28 қыркүйекте "Мирас" тұрғын үй кешенінде болған. Полицейлер биіктікте қыздың тұрғаны туралы хабарламадан кейін келген. Жасөспірімдер шатырдың ашық есігін тауып, оған көтерілген.

Ал куәгерлер не болып жатқанын видеоға түсіріп, желіге салды. Видео авторлары балалар өзіне қол жұмсауға әкелетін ойын тапсырмаларын орындап жүр деп болжады.

Алайда полиция кәмелетке толмағандардың мобильді құрылғыларын тексергенде олардан қауіпті ойындарға қатысу фактілерін анықтамаған.

Салдарынан жасөспірімдердің заңды өкілдері ҚР ӘҚБтК-нің 435-бабы бойынша (балаларды жеткіліксіз бақылағаны үшін) әкімшілік жауапкершілікке тартылды.

Балалар омбудсмені Алматыда екі қыздың қайғылы қазасынан кейін оқушылардың ата-аналарына үндеу жасады

"Аниме кітаптарды сүйіп оқыды": Алматыда шатырдан секіріп көз жұмған оқушы қыздардың жақындары оларды бұған не итермелегенін айтты

Сонымен қатар полицейлер болашақта осындай оқиғалардың алдын алу үшін тұрғын үй кешендері мен үйлердің шатырын құлыптау шараларын қолға алып жатыр.

"Полиция тағы да ата-аналарды балаларының қауіпсіздігіне мұқият болуға шақырады. Әсіресе интернет пен әлеуметтік желілер арқылы қауіпті әрекеттерге қатысу қаупін қадағалау керек. Еске сала кетейік, бірлескен күш-жігермен ғана біз өскелең ұрпақты қорғай аламыз", – делінген ведомство хабарламасында.

Еске салайық, бұған дейін Алматыда екі оқушы қыз белгісіз жағдайда тоғыз қабатты үйдің төбесінен құлап қаза тапқанын жаздық.

Талқылау