Астанада грантқа ауысуға көмектесемін деп 15 адамды алдаған университет қызметкері сотталды
Астанада студенттер мен олардың ата-аналарын алдап, грантқа ауыстыру жөнінде уәде беріп, ақшаларын иемденген бұрынғы ЖОО қызметкері сотталды. Бұл туралы Stan.kz ақпарат агенттігі хабарлайды.
Деректерге сүйенсек, айыпталушы түлектерді жұмыспен қамтуға жәрдемдесу секторында жұмыс істеген.
“Ол студенттер мен олардың ата-аналарын академиялық үлгерім, грантқа ауыстыру және стипендияны қайтару мәселелерін "шешіп" бере алатынына сендірген.
2023-2024 жылдар аралығында ол алаяқтық жолмен 3 миллион теңгеден астам қаржыны иемденгені анықталды. Оның әрекетінен 15 адам зардап шеккен”, – делінген хабарламада.
Мемлекеттік айыптаушы оның кінәсін толық дәлелдеді. Жәбірленушілерге келтірілген шығын өтелген.
“Кінәсін мойындап, залалды өтеуі және кәмелетке толмаған балаларының болуы ескеріліп, ол 3 жылға бас бостандығын шектеу жазасына сотталып, тағайындалған мерзімге пробациялық бақылау белгіленді”, – делінген хабарламада.
Үкім заңды күшіне енді.
"6 миллион теңгеге дейін табыс табуға болады": Ауылда мал бағып жүріп, ағылшын үйренген 16 жастағы қазақстандық жұртты тәнті етті
Исмаиль: “Бір бұқаның құны 900 мың теңге"
Шымбұлақтан да үлкен жаңа Көкжайлау тау шаңғысы курорты салынады: Жоба алматылықтар үшін не береді
Дәл осы жобада жеке виллалардың салынбайтыны нормативтік құжатпен нақты бекітілуі қажет дейді Ержан Еркінбаев