Астанада көлік жүргізушісі TikTok-тағы видеосы үшін қамауға алынды
Астана Lexus көлігінің жүргізушісі TikTok желісіндегі видеосы үшін қамауға алынып, жүргізуші куәлігінен айырылды. Бұл туралы Stan.kz ақпарат агенттігі хабарлайды.
Фото: pixabay.com
Бұл туралы Астана қаласының әкімшілік құқық бұзушылық істер жөніндегі мамандандырылған ауданаралық соты мәлімдеді.
Әлеуметтік желіде Lexus автокөлігінің жүргізушісі көлігіне жалған мемлекеттік нөмірлер тағып, жол ережесін бұзып жатқаны түсірілген видео тарады.
Алматылық қыз TikTok-та ресейліктерді балағаттағаны үшін 2 жылға сотталды
Сот отырысында құқық бұзушы өз кінәсін мойындап, әрекеті үшін өкінетінін айтты. Ол бұл видеоны TikTok желісінде жариялау үшін түсіргенін айтты.
"Сот қаулысымен Б құқық бұзушылық жасағаны үшін кінәлі деп танылып, бір жыл мерзімге көлік құралын басқару құқығынан айыра отырып, бес тәулікке қамауға алу жазасы тағайындалды", - делінген сот хабарласында.
Еске салсақ, бұған дейін Маңғыстау облысында 11 баланың анасы TikTok-тағы билікті сынаған видеосы үшін сотталғаны туралы жазған едік.