Астана тұрғыны сүйіктісіне ерекше жолмен сөз салды (видео)
Мадияр есімді Астана тұрғыны Сабина есімді сүйіктісіне ерекше етіп сөз салды. Бұл жайлы Сабинаның өзі айтып берді.
23 желтоқсан күні сүйіктісі Мадияр екеуі оның жұмысымен ХҚКО-на барады. Оларды аяқ астынан Prado көлігі басып озып, жол бермейді. Сабина қорқып кетеді. Ал, Мадияр ашуланып көліктің соңынан түседі. ХҚКО-на жетерде Prado тұраққа тоқтайды. Мадияр да соңынан келеді. Тұрақта достары мен әріптестерін көреді. Сабина бұл кезде де ешнәрсе түсіне қоймайды.
Мадияр көліктен түсіп, Prado жүргізушісімен бірге кетеді. Сабина әлденені талқылап жатқан достарына барады. Бір кезде Prado жүргізушісі келіп “Сабина деген кім?” деп сұрайды. Осыдан соң қызды ашық тұрған жүксалғыштың қасына шақырады. Ол жердегі үлкен монитордан түсірілім көрсетілді. Бірнеше көліктен құралған жазбада “Мәкеге тұрмысқа шықшы” делінген. Қыздың артында Мадияр сақина мен гүл ұстап тұрды. Сабина “иә” деп жауап берді.
Мадияр мұны алдын ала жасаған. Достары мен әріптестерінің көмегімен жүз көлік жинап, жазбаны жасаған.
Stan.kz сайтын Telegram арқылы оқыңыз. Арнамызға жазылыңыз.